2017年6月10日 星期六

【唔是新聞啦】處女下海做媽媽生 前大台港姐咪神陳潔玲:變態都制 __,大台,陳潔玲,港姐,TVB,

【唔是新聞啦】處女下海做媽媽生前大台港姐咪神陳潔玲:變態都制即時娛樂2017-06-1011:52:37HKT陳潔玲話自己唔會有包袱!(網上圖片)麥子 ...


【唔是新聞啦】處女下海做媽媽生 前大台港姐咪神陳潔玲:變態都制

即時娛樂
2017-06-10 11:52:37 HKT


陳潔玲話自己唔會有包袱!(網上圖片)



麥子樂亦有講嗰場親熱戲好有火!(網上圖片)



(網上圖片)



陳潔玲為咗媽媽生呢個角色,做咗唔少資料搜集!





陳潔玲離開大台之後,會試多啲唔同嘅嘢!

12年港姐出身嘅陳潔玲,喺上個月離開大台向外發展,佢頭炮將會係同麥子樂拍電影《私人會所》,呢套戲會喺八月上映,上個禮拜電影公司喺FB擺咗條宣傳片,點知唔夠24小時就被下架,因為喺片段入面有大膽裸露鏡頭,所以被刪除播放!(新聞連結: http://bit.ly/2rKRl9E )

講到呢啲大膽鏡頭,咪睇陳潔玲嘅外表斯斯文文,查實佢做起嘢想嚟都好搏,喺預告片見到佢除咗做媽媽生之外,佢同飾演富二代嘅麥子樂,有一場大膽嘅情慾鏡,陳潔玲著住一套內衣同麥子樂激咀,而麥子樂隻手仲有所動作,喺開鏡嗰陣,麥子樂曾經話:「有一場親熱戲,由街頭去到屋企一個鏡頭直落,非常有火,幾吃力!」

陳潔玲接受《蘋果》訪問嗰陣,佢話初初都擔心自己應付唔到,所以事前都有做資料搜集,講到今次嘅大膽演出,佢話:「我覺得作為一個演員,喺唔應該有包袱,我唔會因為自己接受唔到啲嘢而去抗拒任何角色,總之係劇本同角色有得發揮,就算係尺度大、性感,甚至係變態嘅角色,我唔會框住自己,反而好願意去試!」


鍾意就快D Share啦!
Related Posts Plugin for WordPress, Blogger...