2017年6月10日 星期六

【三個人一條命】大台直播恬妞婚禮 萬梓良奪鄧萃雯初戀 __,大台,萬梓良,鄧萃雯,TVB,

下月滿60歲嘅萬梓良(萬子),縱橫影視圈40年,代表作多不勝數,包括《大內群英》、《太極張三豐》、《流氓大亨》、《大家族》、《他來自江湖》、《巨人》等 ...


下月滿60歲嘅萬梓良(萬子),縱橫影視圈40年,代表作多不勝數,包括《大內群英》、《太極張三豐》、《流氓大亨》、《大家族》、《他來自江湖》、《巨人》等等,但係講到感情,咁就一隻手可以數晒,經歷過兩段婚姻,與第二任妻子郭明黎育有一子。鄧萃雯當年18歲,就加入無綫藝訓班,之後就委派佢拍攝劇集《薛仁貴征東》,仲要做女主角,夥拍萬梓良,雖然萬子比雯女大9年,有指男方當時向雯女展開熱烈追求,就係咁,佢哋就好快熱戀起來,有指萬子係雯女嘅初戀。可惜最後萬梓良移情別戀,愛上恬妞而與雯女分手。88年,萬子同恬妞因為合作電影《大哥大》而認識,其後有指佢哋到馬來西亞為劇集拍外景時,兩人戲假情真,而最重要係萬子好錫恬妞嘅囡囡彤彤,當時恬妞就覺得萬子就係佢最理想嘅老公人選。92年佢哋就結婚,當時全城哄動,因為佢哋嘅婚禮由無綫直播不特止,仲要請嚟邵逸夫爵士為佢哋證婚,萬子讀誓言時話:「三個人一條命」,可惜呢段婚姻只維持咗4年,離婚收場。對於離婚,萬子當年曾講過,也許自己年紀少,有啲地方對唔住恬妞,但佢哋依然係朋友。同恬忸離婚後,萬子都有傳過緋聞好似長沙美女劉凌同新加坡美女陳婉嫻等。第二任妻子郭明黎原來係佢嘅影迷,任職南方航空嘅郭明黎,話12歲睇萬子嘅《流氓大亨》,自此就封咗佢做偶像,96年,佢喺新加坡邂逅萬子,見到偶像當然開心,郭明黎仲同一班姊妹接受咗萬子嘅邀請,一齊去唱卡拉ok。萬子雖然當時剛同恬妞離婚,但都向郭明黎表達愛意,可惜佢哋就要分隔兩地,直至99年嘅農曆新年,萬子專程跑到昆明接郭明黎,咁先至得到郭明黎嘅歡心,正式拍拖,至2002年結婚。

(資料圖片) 萬子因為同鄧萃雯合作《薛仁貴征東》而相戀。(資料圖片) (資料圖片)
之後萬子因為同恬妞合作拍劇而撻着。(資料圖片) 92年佢哋結婚。(資料圖片) 當時大台做直播,邵逸夫爵士仲做佢哋嘅證婚人。(資料圖片)
(資料圖片) 02年佢同大陸空姐郭明黎結婚。(資料圖片) (資料圖片)
萬子不時都會帶老婆返港出席活動。(資料圖片) (資料圖片) 曾與萬子傳緋聞嘅新加坡靚女陳婉嫻。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...