2017年7月26日 星期三

入行10年!王君馨辛酸史大集合 __,君馨,王君馨,

每人心目中都有一段辛酸史。藝人王君馨(Grace)2007年參選香港小姐獲得亞軍後,就展開拍劇生涯,經過多年來嘅努力終於喺2016年《萬千星輝頒獎典禮 ...


每人心目中都有一段辛酸史。

藝人王君馨(Grace)2007年參選香港小姐獲得亞軍後,就展開拍劇生涯,經過多年來嘅努力終於喺2016年《萬千星輝頒獎典禮》奪得「最受歡迎電視女角色」,今年亦與拍拖多年嘅圈外男友Daniel結婚,脫離「處女黨」,愛情、事業兩得意,能夠修成正果,無論喺愛情抑或事業上,絕對需要付出唔少努力!

最近熱播無綫劇《超時空男臣》,Grace亦有參演其中,同時飾演古時太子妃及現代大明星「汪以珊」,由古時穿越時空到未來嘅蕭正楠、曹永廉同何廣沛,以為電視上出現嘅「汪以珊」就係太子妃,佢哋係咁纏住飾演「汪以珊」嘅Grace,當中有幕講佢入行辛酸史,令人諗起真實中嘅Grace!

myTV SUPER特登剪咗段以「王君馨假戲真做,細訴入行血淚史」嘅短片,加插咗Grace由選美入行,之後拍過嘅劇集片段,回顧番Grace多年所飾演嘅特別角色,包括剪蔭四眼OL、露腰跳肚皮舞、素顏男仔頭、艷麗高貴嘅花曼等,而最令人印象深刻嘅「花曼」一角,更奪得「最受歡迎電視女角色」,非常經典!唔少網民留言鼓勵及支持Grace,大讚佢做每一個角色都好努力,同劇中嘅「汪以珊」一樣都經過無數艱苦磨練先走到今日!

網民有話兒

Wxxdy Pxxg:君馨,妳真的好努力做每一個角色💪💪💪

Lxxxg Cuxxxxn:你的演技真的好棒!不愧係好戲人妻

Chxxxl Yexxx:U are the best! 😍😍😍Love seeing you in dramas ❤️我由舞動奇蹟(迹)個(嗰)陣已經好鍾意你!好鍾意看你跳舞,之後好鍾意看你D(啲戲!加油!

許XX:王君馨太子妃汪以姗 不要勞氣 三位男臣 掛住你 好想回到你身邊😊太子妃 汪以姗


來源 source: http://hk.on.cc
鍾意就快D Share啦!
Related Posts Plugin for WordPress, Blogger...