2017年7月6日 星期四

【王菲影子】11歲李嫣巴黎行騷散出自信 __,李嫣,王菲,

法國童裝品牌Bonpoint於法國時間5號喺巴黎舉行童裝2018春夏騷,話明係童裝,當然係由小朋友行騷。成班外國小朋友裡面,有兩張華人面孔,一個係黃磊 ...


法國童裝品牌Bonpoint於法國時間5號喺巴黎舉行童裝2018春夏騷,話明係童裝,當然係由小朋友行騷。成班外國小朋友裡面,有兩張華人面孔,一個係黃磊千金(黃磊即係《深夜食堂》男主角)黃多多,另一個係11歲李嫣,即係王菲細女。上月30號,李嫣小朋友已經成身Bonpoint,由李亞鵬陪住,喺北京機場現身,着上短袖鬆身嘅娃娃裙,以粉色配綠色拼色設計,似乎「童話小公主」,再加上佢遺傳咗媽咪王菲嘅長腿,相當清純!而李嫣行騷時,佢亦好淡定咁似足「國際名模」,擺出高冷嘅表情,面上散發出自信,爸爸李亞鵬就喺台下望住愛女首次行騷,李嫣一共有兩個造型,一套係金屬粉色連身裙配小白鞋,另一套藍色連衣裙配花環。李嫣接受媒體訪問時,話自己鍾意同朋友行街,佢着衫都有自己風格,一向喜歡襯衫,稱褲同裙要睇場合去着,講起王菲着衫行簡約風格,不過有唔少名牌衫,李嫣霸氣咁答:「從來沒偷穿過媽媽的高跟鞋,雖然媽媽的衣服多,比我的多,但我的衣服(本身)就很好看了。」問到佢將來想做啲咩,李嫣就話未諗到,會唔會演戲同唱歌都唔知道,李嫣相當乖巧,回答認真,講話有自信。

黃磊千金「多多」黃憶慈 王菲細女李嫣
網上圖片 網上圖片

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...