掃呢頁CODE去手機

2017年7月6日 星期四

剪髮有鹹書睇 四叔幫襯富豪理髮廳 [壹週刊 - 1426] __,四叔,李兆基,M1,

喺大麗雅逗留兩個多小時,四叔sharp醒走人。同你吟一吟剪髮有鹹書睇 四叔幫襯富豪理髮廳平日深居簡出嘅四叔李兆基,呢日忽然中環出巡,唔通有大proje ...


喺大麗雅逗留兩個多小時,四叔 sharp醒走人。

同你吟一吟

剪髮有鹹書睇 四叔幫襯富豪理髮廳

平日深居簡出嘅四叔李兆基,呢日忽然中環出巡,唔通有大 project?梗係,扮靚喎,邊個話係後生仔女嘅專利!當日下晝四點, 89歲嘅四叔由兩個保鑣護送下,現身人多車多嘅皇后大道中,佢直上萬邦行嘅大麗雅美容院及理髮廳。

咪睇呢間理髮廳身處商場一個唔起眼嘅位置,個名又 old school,查實呢度不知幾多富豪、高官幫襯,已故嘅彤叔鄭裕彤、董建華、政界嘅梁愛詩、范徐麗泰、陳智思都係佢嘅熟客仔!呢度最出名就係成間鋪擺滿色情刊物,方便客人「拿」起手有得睇,但係令一班富豪、政客死心塌地做「鐵粉」,全因大麗雅 service至上,只要客人 book咗時間,一去到就包保唔使等即刻剪,又必定會喺客人要求嘅時間完成,方便司機接送,唔使佢哋企街呆等!

講番四叔,佢係大麗雅剪連染「磨」足兩個多小時先走人,其間除咗兩個保鑣係鋪頭門外把守,連髮廊嘅老闆同員工都幫拖喺商場巡邏,一發現有可疑人行過,就第一時間通知四叔保鑣。

晚上 6時多,恤咗個靚髮嘅四叔精神奕奕咁走人,撞啱放工時間,塞車塞到冇朋友,保鑣為保四叔安全,懶理雙黃線,第一時間護送對方跳上車走人!

四叔大駕光臨,髮廊老臣子之一的 Albert Lee(箭嘴示)企定喺門口迎接。

保鑣喺髮廊門外把守。

髮廊的陳設三十年無變過,老闆陳大偉居功不少。

經常幫襯的四叔曾向大麗雅老闆送贈墨寶。

髮廊放滿鹹書,方便有家室嘅客人安心慢慢睇。

主子安全要緊,保鑣安排四叔在雙黃線上車離開。

撰文︰八珍

nextplus.nextmedia.com


鍾意就快D Share啦!