2017年7月13日 星期四

能醫不自醫 歐陽佩珊習氣功廿年 戒唔甩煙癮 [壹週刊 - 1427] __,歐陽佩珊,M1,

歐陽佩珊不幸患上肺腺癌,延醫三個月期間,郭峰一直寸步不離,在病榻陪伴。探熱針能醫不自醫 歐陽佩珊習氣功廿年 戒唔甩煙癮曾是麗的電視和無綫花旦的歐陽佩珊 ...


歐陽佩珊不幸患上肺腺癌,延醫三個月期間,郭峰一直寸步不離,在病榻陪伴。

探熱針

能醫不自醫 歐陽佩珊習氣功廿年 戒唔甩煙癮

曾是麗的電視和無綫花旦的歐陽佩珊( Susanna),週日(九日)因癌病逝,終年 63歲。其丈夫郭峰表示太太今年四月腦部中風,曾三次開腦,後來才發現患上肺腺癌,延醫三個月終告不治。

息影廿三年, Susanna轉學氣功,救過唔少圈中人,包括賈思樂、林漪娸等。據知當年 Susanna學氣功是因為希望幫郭峰調理身體,如今老婆重病,郭峰一直在病榻旁陪伴,愛妻離去,令他大受打擊。

收徒過千

七五年入行的歐陽佩珊,曾參演無數經典劇集,包括《網中人》、《楚留香》等,不過最令人印象深刻一定係在《神鵰俠侶》飾演黃蓉一角。宣布息影後, Susanna到北京學中醫研究針灸氣功,成功考到氣功中醫牌,回港後在九龍灣開始醫館「 Susanna House」,高峰期有過千徒弟。

「有段時間郭峰身體好差,拍劇日夜顛倒副偈壞晒, Susanna去學氣功,幫佢調理身體,所以平時佢兩公婆一得閒就返醫館練功,總之見親佢哋都孖公仔咁。」 Susanna身邊人透露。

15年歐陽佩珊被本刊影到吸煙相片。

同郭峰撐枱腳,其間 Susanna煙癮起,要行出餐廳煲煙。

Susanna收生嚴格,林漪娸同賈思樂都是她學生。

煙癮起

據知,近年 Susanna生活好有規律,每日都準時返醫館練功,平時飲食清淡。早年本刊拍得她跟郭峰外出撐枱腳,當時 Susanna略為發福,但都冇乜走樣,其間 Susanna煙癮起,獨自走出餐廳扯煙。

「 Susanna成日叫啲徒弟生活要規律,心境要平和,佢收生好嚴,性格暴躁嘅一定唔收。唯一係煙癮佢咁多年都戒唔甩,冇人勸到佢,對個病唔多唔少都有影響㗎。」

Susanna息影後,在九龍灣開設醫館「 Susanna House」,郭峰時不時都會到醫館練功及幫手打點。

同郭峰結婚 40年,兩公婆秤不離鉈,非常恩愛。

70年代入行,歐陽佩珊拍過接近一百套電視劇,當中最令人印象深刻就是《神鵰俠侶》中飾演黃蓉(左一)。

必須戒煙

根據心胸肺科鍾少石醫生表示,患上肺癌的病者必須戒煙,主要原因是患者會接受手術、電療或化療等醫治方法,令身體抵抗力大大減低,如果病者持續吸煙,感染細菌的機會極大,亦會拖慢治療進度,有些公營醫院,如果病者唔肯戒煙,甚至會拒絕提供高規格的治療給病人,所以患者應盡快戒煙。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...