2017年7月13日 星期四

李彩華戒大食出寫真 黑底誘惑 [壹週刊 - 1427] __,李彩華,M1,

探熱針李彩華戒大食出寫真 黑底誘惑入行17年,為完心願,33歲李彩華今年加入暑期寫真戰,早前除狂做運動收身外,向來食量驚人的她,決心戒大食,由每餐三人 ...


探熱針

李彩華戒大食出寫真 黑底誘惑

入行 17年,為完心願, 33歲李彩華今年加入暑期寫真戰,早前除狂做運動收身外,向來食量驚人的她,決心戒大食,由每餐三人分量改為正常一人食量,減夠十磅,弗爆出黑底處女寫真。

33歲第一炮

一直有意出寫真的李彩華,早前由朋友介紹認識 Angelababy御用攝影師 Mikoco,兩人一拍即合,由 Mikoco操刀她的處女寫真。為了要靚爆示人,就算向來瘦底的她,都要搏命減磅修靚身形。

「大家以為我瘦唔使減,其實我骨架大,如果要上鏡好睇,點都要做運動同減磅,好多朋友都知我食量驚人,一餐係等於普通人嘅三餐分量,所以拍板影寫真,我狂做運動同按摩,最重要係減食量,變番普通人嘅胃口,控制自己唔好食咁多,我都算減得快,個幾月減咗成十磅。」她說。

突然性感,男友何遠恆完全接受兼支持,只是揀相要得他最後批准:「佢對我好有信任,所以佢都鍾意我揀嘅相。反而我最擔心係唔夠拍攝時間,我同攝影師兩個不斷度期,都係度到幾日,有次喺內地做完嘢,我連飛機都唔搭,因為內地啲機成日 delay,我寧願坐八個鐘車返香港,跟住即刻去 location開工,好彩準時完成。」

浸住水影靚相, Rain擺甫士一樣咁自然。

寫真集其中一張露白滑大背脊相, Rain自言最有 sex appeal。

Rain說因時間關係,只預了一天時間拍外景,幸好當日天氣不錯。

玩完成熟, Rain又玩 cute爆孖辮妹 look。

著住黑底的 Rain嘟嘴賣萌,滲出少女味。

穿著心心泳衣的 Rain,騷靚身形外,更晒靚膊。

Rain著黑絲大騷 42吋長腿。

Rain跟攝影師 Mikoco(左)一拍即合,終於出到寫真集。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...