2017年7月13日 星期四

搬返曾僭建舊居 脹爆齊昕孖梁振英放狗踩嘢 [壹週刊 - 1427] __,梁振英,齊昕,梁齊昕,M1,

探熱針搬返曾僭建舊居 脹爆齊昕孖梁振英放狗踩嘢去年被揭秘密入住沙田威爾斯親王醫院接受治療的梁齊昕,出院即飛倫敦散心,失踪一排因服抗抑鬱藥致身形暴脹,日 ...


探熱針

搬返曾僭建舊居 脹爆齊昕孖梁振英放狗踩嘢

去年被揭秘密入住沙田威爾斯親王醫院接受治療的梁齊昕,出院即飛倫敦散心,失踪一排因服抗抑鬱藥致身形暴脹,日前再脹兩個碼的她,就孖住過氣特首阿爸一齊放狗,卸任特首後的梁振英,冇得再住高高在上的禮賓府,結果他們一家搬返曾被揭僭建的山頂貝璐道裕熙園舊居。

現場所見,齊昕身形發福不少,圓口圓面再加一個大大肚腩,但係明顯精神唔錯,黐住阿爸亦顯得幾開心,不過,梁振英就唔好彩中伏踩到嘢,真係濕滯!

梁振英唔知踩到咩,突然查看鞋底,女兒齊昕亦探頭幫眼睇吓。

12年 6月

12年梁振英參選時,被踢爆寓所有多達六項僭建,當中包括在停車位上蓋和一個 200呎的雜物房。

12年 12月

林鄭接任新特首,梁振英由禮賓府搬回 2000年以 6千 6百萬購入的山頂裕熙園舊居。

母女關係改善

梁齊昕身為前特首女兒,近年行為出位,曾經試過在 fb留言遭「家暴」,指遭阿媽梁唐青儀辱罵、掌摑、踢傷等,母女關係麻麻,但一五年萬聖節卻反過來,齊昕在中環夜蒲完,竟然上演一幕掌摑阿媽,當年令唔少市民拍爛手掌。

不過,去年底,齊昕被揭秘密入住沙田威爾斯親王醫院,當時特首梁振英和太太唐青儀,便不時探望愛女,住院兩個月,同媽咪關係反而拉近咗。今年三月,倫敦返港的齊昕,就被拍到同阿媽,在赤柱餐廳用膳又一齊放狗,兩人關係明顯有改善。

齊昕入院,去年十二月,梁振英就首度公開承認女兒情緒出問題要看醫生,亦決定為家人,放棄競逐連任特首一職,難得為港人帶來好消息。

有指齊昕與前男友 Michael遭父母棒打鴛鴦而分手。

曾經身形 fit爆的齊昕,試過向 model公司自薦做 model。

去年 10月,只是輕微發福的齊昕還自拍泳衣相放上 Ig。

爭啲認唔到

14年底齊昕被拍到由阿媽陪住去中環萬邦行,等車期間顯得一臉倦容。

七月一日正式卸任特首,轉為全國政協副主席的梁振英,亦搬離禮賓府,搬返山頂舊居,這間位於山頂貝璐道 4號的獨立屋,

二○○○年梁振英以六千六百萬買入,一二年他參選特首時,就被揭發屋內有多達六處僭建,要出來公開道歉,搞到滿城風雨,未選先

𤓓爆!

七月六日傍晚九時,梁振英同吹脹兩個碼的女兒梁齊昕,加埋保鑣三人行,一齊在寓所外放狗,無見一排的齊昕,發福到腰間多埋士啤呔,同之前個樣有明顯分別,雖然肥咗但睇落精神不錯,有老豆陪住似乎幾開心,不過行行吓,梁振英卻唔知踩到咩!突然查看鞋底兼手指指,但四周環境昏暗,只見齊昕亦探頭幫眼望一望,之後繼續散步,三人放完狗就返入寓所。

齊昕亦在 Ig po過自己小時候同家人的合照。

齊昕不時在社交平台分享自拍照,同阿媽合照中間就隔住妹妹頌昕。

齊昕將愛犬相片造成飾物,方便隨身攜帶。

「齊昕好鍾意狗,一得閒就會陪狗狗玩,依家間屋無禮賓府咁大,無咗個大花園,所以都成日會去寓所外邊放狗,除咗前特首阿爸,阿媽同細妹都成日陪佢!」知情者說。

因為患病,齊昕服藥後身形暴脹,去年八月去紅館看城城演唱會,就因為體重劇增,穿高跟鞋一時失平衡,落車行唔夠十步就仆低,搞到膝頭受傷,要工作人員扶去前門塗藥治療。

「齊昕因為貪靚,出親街都著高踭鞋,對對鞋都最少四、五吋高,好容易就失平衡,佢都唔只一次仆親!對腳好多瘀傷!」

去年 9月,同細妹頌昕(右)去睇 Sammi演唱會。

8日睇城城演唱會時仆親,但她仍開心自拍!

老豆係特首,齊昕一度成為傳媒追訪對象, 15年在 IFC行街被發現,對住大班記者,齊昕表現毫不抗拒。

去年齊昕入院,梁振英隨即宣布不會競逐連任,表示要放時間照顧家庭。

舉動驚人

年僅 25歲,向來我行我素的梁齊昕,經常上演大龍鳳,反叛行為鑊鑊新鮮,一直是傳媒焦點。

上載疑自殘相

14年,梁齊昕突然在 fb上傳兩張疑似割脈自殘照片,其中一張在浴缸拍攝,有兩條明顯血紅𠝹痕,更留言「我會否流血至死?」的字句,令人懷疑她企圖自殺。

fb留言「跳樓吧」

兩個月後,齊昕又於 fb先後貼上「跳樓吧」及「死,驚什麼」等字句,一度令人不安的自殺風雲,網民紛紛勸她勿做傻事。

自薦做 model

有鋪恨做明星癮的齊昕,瞞住父母發電郵到多間模特兒公司自薦做 model,更附上多張拋胸性感及比堅尼相,事件被揭後,齊昕死口唔認。

自爆被母虐打

15年,又於 fb連貼數文,指被龍蝦媽推埋牆、掌摑,兼爆粗鬧死蠢,家暴升級,齊昕頂唔順,決定要離家出走,一度在禮賓府露台落寞閒逛,引來大批傳媒。

萬聖節摑母

15年萬聖節,齊昕扮鬼於中環夜蒲,滿身酒氣的齊昕於馬路上大吵大鬧連環爆粗,母親唐青儀趕到場打算接女回家,即被齊昕當眾連摑兩巴,並指自己非對方親生,事件引起全城哄動。

受傷不止血先自拍

去年遇上意外,齊昕眼角不停流血,齊昕即上載一段短片表示:「狂流血囉,停唔到!」然後狂笑,網民都叫她先去止血。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...