2017年7月13日 星期四

唔理大台反對 李佳芯陳炳銓互食口水尾 [壹週刊 - 1427] __,李佳芯,TVB,大台,陳炳銓,M1,

趁住假期,素顏戴漁夫帽的李佳芯同男友Danny到西貢拍拖,被本刊記者發現時,李佳芯大方打招呼。探熱針唔理大台反對 李佳芯陳炳銓互食口水尾無綫新劇《踩過 ...


趁住假期,素顏戴漁夫帽的李佳芯同男友 Danny到西貢拍拖,被本刊記者發現時,李佳芯大方打招呼。

探熱針

唔理大台反對 李佳芯陳炳銓互食口水尾

無綫新劇《踩過界》中,李佳芯( Ali)變身天使與魔鬼混合體,飾演性格開放又愛蒲的法官,除咗同張振朗有激烈床戲外,又要脫衣露肉色誘王浩信,為咗上位搏到好盡!

眼見 Ali事業起飛,作為男友嘅陳炳銓( Danny)都唔敢原地踏步,最近為 ViuTV新劇《賤民 20》演出之餘又做統籌,忙到一腳踢。日前一對小情人趁住放假即爭取時間拍拖,甜蜜食飯之餘仲一杯凍飲兩份歎,相當 Sweet!

一杯凍飲兩份歎

憑住靚樣加好演技而榮升新一代「宅男女神」的李佳芯( Ali),短短五年時間便攀上「女一」之位,上年「女神」與 ViuTV藝人陳炳銓( Danny)被拍得於赤柱街頭激嘴而令戀情曝光。有傳無綫唔想 Ali事業受戀情影響,下令 Ali否認拍拖,但每次二人被撞破好事時,都一樣大方任影冇避忌!

最近李佳芯忙緊為無綫新劇《誇世代》開工,而陳炳銓亦為自己做統籌的新劇《賤民 20》忙到有氣無定抖,不過幾忙都要抖吓氣嘅,早前(六月二十九日),李佳芯與男友陳炳銓趁着假期即爭取時間到西貢拍拖享受甜蜜時光,二人先到附近泰國餐廳醫肚,食物凍飲到齊,李佳芯即主動出手幫男友攪勻凍飲,順手放埋落口試啱味再俾陳炳銓品嘗,熱戀情侶互食口水尾。

二人邊食邊傾,醫飽肚就轉戰去買餸,眼見到地下濕滑,陳炳銓細心捉實 Ali手臂而行,最後兩口子再到健康食品店入貨,離開時發現記者都禮貌地跟記者揮手,再由陳炳銓揸車送女友齊齊返愛巢。

李佳芯將男友用過的匙羮直接放入口試味,互食口水尾。

二人先到一間平價泰國食店坐低醫肚,其間李佳芯主動幫男友用匙搞勻凍飲。

路面濕滑, Danny出手扶實女友手臂而行。

Danny俾錢買完日用品,就再次以慣性手勢想拖實女友。

積極發圍

自從李佳芯與陳炳銓的戀情曝光後,陳炳銓隨即被指是奀星、食軟飯兼被女友包養,「女神」被私有化,搞到唔少巴打都叫陳炳銓「放手」,慶幸 Ali講心唔講金,拍拖兩年,完全無受外界聲音影響,二人感情有增冇減。

但為咗反轉女尊男卑呢個局面,陳炳銓一直都積極發圍,除咗教班搵銀外,最近仲成功向 ViuTV自薦開拍黑色幽默怪誕劇《賤民 20》和警匪劇《 PLAN B》,有份做主角之餘,仲擔任埋節目統籌,為自己爭番一口氣。「大家都 feel到 Danny近年喺工作上都真係搏咗好多,以前佢淨係喺度等機會,而家佢會識得主動爭取,機會自然多咗好多講到做嘢, Danny的確係好認真同專業,而家公司擺明俾機會力捧佢㗎但佢都好謙虛,識佢嘅人都知佢好有正能量帶俾人好多歡樂,而且佢監製、導演、演員瓣瓣掂,仲係舞台劇藝術總監,咁有才華,相信 Ali都係鍾意佢呢一點!」陳炳銓身邊人說。

李佳芯在無綫新劇《踩過界》中飾演性格開放又愛蒲的法官。

飛躍進步獎得主向來是無綫來年力捧的藝人指標,上年李佳芯就成功在台慶頒獎禮奪得此獎。

李佳芯和男友 Danny因與共同朋友一起行山而認識。

最近李佳芯忙為台慶劇《誇世代》開工,同陳豪及張繼聰有不少對手戲。

對結婚有共識

儘管無綫打壓令李佳芯對外同陳炳銓劃清界線否認拍拖,但李佳芯同男友擺明感情穩定,亦不時去男友村屋過半同居生活,二人對結婚亦有共識。「雖然 Danny之前都有同我哋呻過俾人踩到佢好似地底泥咁好唔習慣,但其實佢有教班同做幕後,收入其實同 Ali唔係相差好遠㗎咋,不過佢好明白呢行嘅規則,所以都冇擺喺心,佢同 Ali拍拖都唔係諗住玩玩吓,諗住俾多幾年時間大家喺工作上面發力,搵多啲錢就結婚!」知情人士透露。

李佳芯(左圖)在《踩過界》中騎在張振朗身上肉搏,另一邊廂,陳炳銓(右圖)亦都好有艷福俾女騎。

李佳芯早年在節目《學是學非》中做是非精而為人認識。

拍戲一向搏到盡,早年在《潮流教主》中,李佳芯就同羅仲謙有激烈車輪戲。

陳炳銓為拍攝效果搏到盡,同「男神」王宗堯不惜除剩內褲上陣。

「反」女尊男卑

圈中女尊男卑的情侶多的是。事業家底經常被人作比較,不少男藝人都抵受唔住傳言,做出成績,成功與女方拉近距離。

張繼聰 謝安琪

憑住一首《囍帖街》唱到街知巷聞的謝安琪,出道僅三年即升呢跳到天后級,老公張繼聰則童星出身,事業一直未有起色,二人收入經常被人作比較,直至 12年,張繼聰簽約無綫,憑着《老表,你好嘢!》彈出,搞笑角色深入民心,其後劇接劇,人氣急升。

張晉 蔡少芬

港姐出身的蔡少芬,企穩 TVB一線花旦多年,拍過無數電視劇,更於內地密密賺;老公張晉替身出身,地位懸殊,近年北上搵真銀,頻頻參與拍攝電影; 14年憑《一代宗師》奪得金像獎「最佳男配角」。

黎諾懿 李潔瑩

14年,迎娶落選港姐李潔瑩,女方家底豐厚,公屋出身的黎諾懿升呢成為「五億駙馬」,一直被指靠外家,近年,黎諾懿於無綫劇《愛.回家》擔正男一,飾演馬壯一角大受好評,成為無綫力捧小生之一。

劇透:王浩信蔡思貝被生葬

大台劇《踩過界》搣甩大台味,唔再係師奶婆媽劇,而且內容非常踩界, SM又變性人,充滿話題性,未來單元更會揭露王浩信以及張振朗不為人知的過去。

張振朗跛咗

劇中扮演 GoGo的張振朗,在變性人單元內因為調查期間發生車禍,從而爆出張振朗在 5年前一場爆炸意外,而失去右腳,恰巧這單爆炸案竟然與單立文有關。

朱千雪——王浩信前度

而朱千雪飾演戴天恩,正是單立文女兒,過去她曾跟王浩信有過一段情,而在第 15集之後就會現真身。

至於李佳芯就會跟王浩信感情火速上升,當中雙方更有床戲,令蔡思貝打翻醋埕。

陳庭恩飾演變性人

陳庭欣於劇中飾演跨性別人士,由細到大都鍾意男扮女裝,更見過心理醫生,為變性手術做好準備,更有一場戲於浴室全裸上陣。

蔡思貝王浩信遭生葬

預告有一幕癲姐蔡思貝劈完友受傷坐輪椅,遭人伸腳踢落地,其後頭上纏住紗布嘅癲姐緊緊擁着王浩信,雙雙遭生葬。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...