掃呢頁CODE去手機

2017年7月20日 星期四

《東張》大話賤男話想同老婆復合 李潤庭繼續同小三劏房培慾 [壹週刊 - 1428] __,李潤庭,小三,賤男,M1,

自知身有屎,行唔夠幾步,李潤庭亦擰轉頭望一望。娛頭《東張》大話賤男話想同老婆復合 李潤庭繼續同小三劏房培慾《東張西望》主持李潤庭因為衰背妻偷食,仲要被 ...


自知身有屎,行唔夠幾步,李潤庭亦擰轉頭望一望。

娛頭

《東張》大話賤男話想同老婆復合 李潤庭繼續同小三劏房培慾

《東張西望》主持李潤庭因為衰背妻偷食,仲要被本刊圖文並茂踢爆,賤男形象衰到貼地,結果被大台雪藏四個月,更窮到要搬往灣仔住百多呎劏房單位。

上月剛復工,重返《東張》做主播,當時李潤庭接受訪問時才表示今年生日願望是希望氹回老婆,表面扮有誠意努力箍煲,但原來同人妻小三 Tiffany仍未斬纜,上月 3日,本刊發現 Tiffany晚上九時多,一個人坐的士去到李潤庭劏房寓所,同情夫禁室培慾!

偷食令事業婚姻一鋪清袋,李潤庭仍不知悔改!

激嬲父母

李潤庭因為背住空姐老婆 Crystal,搭上人妻兼人母小三 Tiffany,令形象破產被飛出《東張》主持工作,今年四月復職,初期只係負責出外景訪問,直至六月重返主播台,不過復工即被網民鬧爆,負評一大堆。

停工四個月,李潤庭收入近乎零,加上空姐老婆已搬走,無法獨力承擔租金,近月已搬離荃灣愉景新城寓所,搬到灣仔月租六千,面積只有百多呎的劏房居住。

「一路以嚟,老婆 Crystal都有幫補家庭開支,但自從老婆搬走咗, Eric無乜收入,惟有慳得就慳,加上偷食件事,佢激嬲埋住加拿大嘅父母,依家幾唔掂,父母都唔肯幫佢!」知情者說。

今年五月三十八歲生日,李潤庭有份出席電視城「五月星辰」活動,對於被解凍,公開表示會醒醒定定,還透露正努力同老婆箍煲。

去年被本刊踢爆收埋小三 Tiffany,還公然在赤柱大街狼死激嘴。

當日背妻出軌,李潤庭還在 fb放相祝同老婆結婚五周年快樂,正一大話王!

李潤庭煙癮頗大,不時企街煲煙。

雖然獲無綫解凍,但工作量仍然無乜的李潤庭,不時一個人落公園打躉,似足退休阿伯。

繼續玩火

「老婆仍未搬返屋企,我希望用時間去補救,令佢可以睇到我的誠意,我今年的生日願望是希望氹番佢!」李潤庭說。

把口就講到自己浪子回頭,以為李潤庭真係知錯,但原來只係大話冚大話,一方面死𦧲扮改過呃住老婆,但原來同小三人妻仍未斷,保持來往繼續玩火。

六月三日,小三 Tiffany一個人坐的士去到灣仔,落車後入了便利店買飲品,同樣係背住老公出去偷食,所以 Tiffany買嘢期間亦非常緊張四圍望,一副偷情樣擺明身有屎,買完嘢就急急腳轉去後面街,獨自上李潤庭的劏房寓所, Tiffany似乎非常熟架步,上到該樓層就十分熟路行到去李潤庭所屬劏房單位,而且她有鎖匙,可以自出自入,當晚他逗留到凌晨都沒有離開。

六月四日,李潤庭同小三短敍完開心一晚後,他獨自落街去附近茶餐廳食麵醫肚,都係幾條街路程,全程都高度戒備,行到十字路口又專登停低玩電話,但就用對眼不停四圍掃,神情緊張,在茶餐廳吃麵吃了半小時,離開鋪頭行返屋企,又突然行捷徑,還專登行過龍,之後再行返轉頭,返屋企啫,都似足做賊!

小三 Tiffany獨自搭的士去灣仔,先去便利店買飲品,再行去後面街上李潤庭劏房屋企。

前後腳入屋

小三 Tiffany自己有埋鎖匙開門入單位,而李潤庭只租住單位內其中一個劏房。

冇工開坐公園

因為有老公又有仔女, Tiffany只係間中偷會賤男,其餘時間李潤庭都係食自己,由於工作量不多,李潤庭每星期會去做 gym消磨時間,有時更無聊到要去寓所附近的公園睇阿伯捉棋同坐埋一邊玩手機,生活枯燥兼無聊。

上週六(七月十五日)晚上七時,李潤庭單獨返回劏房單位,一小時後小三 Tiffany乘的士去到灣仔,在李潤庭屋企樓下的茶餐廳買外賣,其間更用手機影低餐牌,然後 send相問對方想食什麼,相信電話中人正是情夫李潤庭,買完外賣後 Tiffany就同平時一樣自己上劏房同李潤庭禁室培慾。

小三 Tiffany約李潤庭總會打扮戰鬥格,更刻意戴口罩掩人耳目!

口口聲聲話好想老婆原諒,李潤庭卻同小三未斷過,相當無恥。

去年未被爆出偷食,李潤庭同小三在電視城附近商場,摸住手飲咖啡。

為咗慳錢只幫襯茶餐廳,李潤庭更搵暗角位坐埋一邊食麵。

另一日就一個人買車仔麵外賣返家吃!

六月初,李潤庭約了一班朋友到佐敦食飯,食飽飽企街吹水!

上年八月,老婆 Crystal出 trip,李潤庭同小三前後腳返愉景新城「依泣」。

偷食完,就扮晒好老公陪老婆 Crystal返加拿大,但同老婆卻零交流。

朋友走晒

去年本刊拍到,李潤庭同人妻 Tiffany大膽到一齊坐港鐵返愉景新城。

因為偷食事件令到李潤庭被雪藏之外,亦因此令他眾叛親離,大半個月以來,只有一日約了一班朋友外出晚飯。

「背住老婆玩女人,無恥到咁,之前班有線 friend,都唔敢約佢搞到山窮水盡,朋友走晒,都係佢自己攞嚟嘅!」李潤庭身邊人說。

好彩屬於余詠珊幫的李潤庭,都仲有高層射住,就連背妻出軌事件爆煲,大台亦安排記招讓他交代事件,可惜道歉時態度毫無誠意,再遭網民抨擊,但當時余仍力撐他,「唔覺佢無誠意!」就算賤男形象仍未洗底,都係咁意雪藏四個月就獲得優待解凍。

出席無綫《五月星辰》活動,李潤庭同記者講,自己正努力箍煲,生日願望是氹番老婆!

爆出收埋小三,李潤庭開記招認錯,當時被問同小三現時關係,他說:「冷靜期!當然係結束」

偷食形象破產,但余詠珊仍力撐李潤庭《東張》復工。

未爆出偷食事件,李潤庭不時同以前有線幫飯聚。

近幾個月李潤庭在 ig只放做運動相,扮晒身心健康,更公開表示半年無接觸異性,又係講大話!

小三有老公

偷食事件爆出後,李潤庭被網民狂插,小三 Tiffany即被起底, Tiffany與正印同任國泰航空公司,目前已辭職,同樣已婚的 Tiffany,育有一子一女,平日有司機接送, Tiffany丈夫何俊傑 Gregory 38歲,為一間中油港燃能源集團控股有限公司上市公司執董,單是持股市值已近 800萬,曾是多間上市公司董事,於澳洲莫納什大學會計學士畢業,經常要往返內地, 11年與 Tiffany結婚,一家居住於元朗溱林。

雪藏四個月

15年,李潤庭由有線過檔無綫主持《東張西望》,去年被爆背妻偷食,一夜成名變賤男,形象插水,被無綫雪足四個月。

2016年 12月 8日

被踢爆背妻偷食,趁着空姐太太 Crystal不在港,即與小三 Tiffany秘會,於赤柱大街攬腰摸 pat兼濕吻,更狼死到帶埋小三回家。

2016年 12月 9日

翌日,李潤庭返港即被高層照肺,並開記者會交代事情始末,除了道歉兼再度鞠躬, 6次強調「係我嘅錯」,他亦自爆老婆選擇離婚,父母亦嬲爆未有與他聯絡,與小三 Tiffany斷交。

2016年 12月 15日

賤男形象插水,無綫即時送他入雪櫃,原先接下多個聖誕及新年司儀 job搵真銀,更全部被飛。

2017年 3月 4日

停工三個月,終於有個商場司儀 job,李潤庭直認冇工做收入減少,並表示現時獨居但有跟太太見面。

2017年 4月 3日

被無綫雪藏四個月,李潤庭正式復工《東張西望》,大台安排他先跑突發外景試水溫,重新出發,並坦言:「過去四個月好難捱,唔止經濟壓力,同時亦冇咗人生目標。」更表示希望太太原諒,要俾心機恢復太太對佢的信心。

4月復工,李潤庭還開心 po相上 IG!

2017年 6月 16日

相隔兩個月,李潤庭終於重回《東張西望》主播枱,並於社交網上載錄影廠自拍照,留言:「多謝所有陪我走過這段路的您們。」

撰文、攝影:娛樂組


鍾意就快D Share啦!