2017年7月27日 星期四

林敏驄做嫖客 盧覓雪𦧲飯應演鳳姐:做雞都願 [壹週刊 - 1429] __,林敏驄,盧覓雪,M1,

探熱針林敏驄做嫖客 盧覓雪𦧲飯應演鳳姐:做雞都願由林敏驄、周柏豪、張繼聰、BabyJohn孭飛新戲《西謊極落之太爆•太子•太空艙》,攪屎棍林敏驄最為搶 ...


探熱針

林敏驄做嫖客 盧覓雪𦧲飯應演鳳姐:做雞都願

由林敏驄、周柏豪、張繼聰、 Baby John孭飛新戲《西謊極落之太爆•太子•太空艙》,攪屎棍林敏驄最為搶鏡。近年憑其才氣吸納唔少粉絲,其中「食家」盧覓雪正是他的鐵粉。

有指盧覓雪起初拒為《西謊極落》客串,但得悉有場林敏驄撳鐘仔戲(光顧一樓一),欲「品嘗」偶像的她,即九秒九𦧲飯應,甘願淪為鳳姐,誓接林敏驄「生意」。為可跟偶像肉搏,盧覓雪連減磅都肯,可謂誠意十足。撳完盧覓雪鐘仔後,林敏驄抵死話:「大件夾抵食。」

為林敏驄減肚腩

戲裡戲外,林敏驄都貫徹神神化化,編劇兼導演之一的吳兆麟透露,跟高手林敏驄合作,絕對是一場腦交戰,刺激了他的創作慾。

除了刺激導演,林敏驄更激起盧覓雪的獸性。導演吳兆麟踢爆:「著名才女盧覓雪小姐,因為傾慕驄哥而專登嚟同我哋合作,而佢仲係唯一同驄哥有直接對手戲嘅女演員。」

在旁的林敏驄即抵死回應:「大件夾抵食,擔上山可以食幾日,哈哈哈……」導演透露盧覓雪為了理想達到,甘願減磅,目的要將林敏驄擺入口。盧覓雪說:「有日製片打俾我,叫我客串一角,我第一個反應係冇興趣,推咗嘅!之後講講吓,話有林敏驄,我話咁得喇!我接,為咗林敏驄,做雞都願。」

至於減肥,盧覓雪卻說:「為咗個肚腩,嗰朝唔食早餐啫!」犧牲唔食早餐,得到手的「撳鐘」戲,竟然沒安排有身體接觸,對此盧覓雪坦言:「有啲失望。」

拍攝當日,盧覓雪連早餐都唔食,務求冇咗肚腩,吸對方的睛。

第一次接觸林敏驄時,導演兼編劇吳兆麟坦言:「有啲驚!」不過合作後發現他「鮮為人知」的一面,覺得佢「風度翩翩」唔知真定假呀?

有林敏驄在現場放笑彈,張繼聰同欣宜都不慎偷笑,反而周柏豪 keep住一副 cool look。林敏驄暗寸:「佢係一哥嚟㗎,所以要 chok住,唔可以笑!」

對住盧覓雪出唔到

盧覓雪恨俾林敏驄嫖,但林敏驄竟然話:「我係出唔到……付出唔到。」之後還說:「我一個眼神已經睇穿佢前世今生十世,都係差唔多樣,等消息,我餘生都唔再撳鐘。」

「只係一個撳鐘睇辦過程,睇完佢可以入返去。」導演吳兆麟說,彈鐘安排,是因林敏驄寧願「自己搞掂」。

由蕭定一公司開拍的《西謊極落之太爆•太子•太空艙》,是改編自向西村上春樹網絡小說,少少鹹多多脆。

片中講述一班「窮鬼」困在比劏房更惡劣的「太空艙」。當中張繼聰及欣宜要屈在棺材式住宅內繁殖,以搞笑形式帶出土地問題。

鍾意食好西的盧覓雪,之前在《金雞 sss》中,與古仔的世紀之吻,令不少港女妒忌。

演員狗改名阿叻

盧覓雪甘為林敏驄淪做鳳姐!但林敏驄享受的,反而是片中一幕與天才狗做對手戲,大讚隻狗好戲:「隻狗幾好戲,你抱住佢又唔會掙扎,好順攤,仲識影相!佢會揸機影相。係咪俾足錢?」

狗仔識影相,係真唔係呀?導演說:「係真㗎!佢(狗仔)識揸自拍棍舉起嚟影相。俾足錢,簽咗約㗎!」林敏驄續說:「佢(指住導演)仲幫隻狗改咗個大逆不道嘅名。」

原來隻天才狗,被導演改名叫阿叻:「原本隻狗叫懵懵,但我哋覺得佢咁醒,叫佢懵懵實在太貶低同侮辱咗佢,所以要叫個叻嘅名。」

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...