2017年7月27日 星期四

李澤鉅攬住個正印 [壹週刊 - 1429 - 財經] __,M1,李澤鉅

李嘉誠計劃明年退休,並由長子李澤鉅接棒,公司隨即改名,沿用其「金漆招牌」。中環人語李澤鉅攬住個正印昔日的長實、和黃經過重組後,改名為長江實業地產(11 ...


李嘉誠計劃明年退休,並由長子李澤鉅接棒,公司隨即改名,沿用其「金漆招牌」。

中環人語

李澤鉅攬住個正印

昔日的長實、和黃經過重組後,改名為長江實業地產( 1113)以及長和( 1),上個禮拜,公司又宣布改名,把長江實業地產改為長江實業集團,其實此舉睇得出李澤鉅「識嘢」,攬住個正印。

觀乎李嘉誠創業之路,做塑膠花廠的誠哥最初在西環士美菲路開檔,一九五○年尚未有規模時,公司只以商業登記為長江塑膠廠,於一九六四年十月二日才成立第一間有限公司,那時李澤鉅剛出世兩個月,仍為廠佬的誠哥把公司命名為「長江實業有限公司」,英文是 Cheung Kong Industrial Company Limited;及至一九七二年,此公司的中文名改為「長江工業有限公司」,何解?因為要讓路給做地產的「長江實業」於一九七二年上市,可見「長江實業」才是誠哥的金漆招牌,即將接棒的長子李澤鉅又焉不懂要揸實個「招牌」,延續李家傳奇,即使公司英文名改為 CK Asset Holdings Limited,中文名仍以「長江實業集團有限公司」,正所謂正印即係正印!

創業時期的李嘉誠,銜頭為「經理」。

誠哥一九六四年十月二日成立首間有限公司,名為長江實業有限公司,英文名為 Cheung Kong Industrial Company Limited。

作大波萍?

發叔過身,生前對他最大「整蠱」的非簡炳墀莫屬,簡 Sir當年爆料,發叔有位紅顏知己一齊炒樓,但又唔記得人家個全名——余紅萍( Ada Yu),遂以鄉下人繪形繪聲作花名——大波萍作稱呼,終找到余小姐玉照,簡 Sir,你似乎誇張咗啲喎。

余紅萍(右圖)被簡炳墀改的花名大波萍,似乎有失實之嫌。

余紅萍(右二)與丈夫陳篤(右一),以前也有出入馬場。

中環寸嘴 啲錢都唔知點使?

楊國佳

工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

利物浦球隊嚟香港,銀行佬請我哋 VIP出席球星簽名活動,咪去 Sky 100睇吓有咩 souvenir攞,跟住踩去 Ritz Carlton酒店上面個 Caviar Bar,搵啲魚子醬啷吓口,如果唔係,啲錢都唔知點使?本少爺貴為國際金融白紙扇及食評家嘅混合體,又冇紅包收,又冇車馬費,冇錢又點掂?我都好敬重《壹》仔可以捱咗咁耐,只不過我想喺度講吓有錢佬啲衰格嘢,講吓啲庸官,點樣講咗當做咗,嗌完口號過日子,位位都去睇劏房,然後哽咽,無嚟新意。

好似陳茂波個 assumption咁,以為世界好香港就一定好,就去微調香港經濟增長預測;去 Caviar Bar同靚女侍應傾都知,仲邊有強國人嘅高端消費吖?我就係攝強國人嘅空檔去歎吓,因為香港人消費已經冇面咗好耐,曾幾何時,喺食肆、酒樓、奢侈品商鋪,唔識講普通話反而是被歧視的一群!

醒大家一招,國泰頭等機艙六個位,但只係準備一客魚子醬,一上機就要第一時間 order, first come first serve㗎!成盒攞返屋企都抵

每樣嘢都有級數嘅,呢款頂級 Caviar Beluga,味道好清香!

隻匙羮都要用珍珠殼造,好易爛㗎!

天龍軒阿 Benson出身文華東方,招呼同服務都唔同啲,呢排推緊大金鐘 Angélus啲酒,又試吓咯。

乜春春魚子醬

正所謂女人唔補好易老,男人唔補就好易冇,今年已五十六歲的周凱旋都好識保養,喺中環千挑萬選魚子醬,呢啲被捧為「 Black Gold」的天價食材可以滋養皮膚,返老還童咁啦。

好似「樓上」位中環寸嘴都去歎番吓,頂級嗰隻 Caviar Beluga, 30克盛惠$5,800;估計有 300粒咁上下,即係成廿蚊一粒,真係乜春春呀?大家不妨睇吓個餐牌見識吓。

在 Ritz Carlton頂樓的 Almas Caviar Bar的餐牌。

Beluga屬頂級魚子醬,來自體形最大的鱘魚 Beluga,要花二十年才完成發育,每粒魚子都非常渾圓。

周凱旋在太子大廈逛高級魚子醬店鋪,最後以$480購下一本講關於魚子醬的書籍。


鍾意就快D Share啦!
Related Posts Plugin for WordPress, Blogger...