網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月27日 星期四

蕭正楠窮包二奶 揸20萬波子出巡 __,正楠,蕭正楠,

Edwin購下約20萬的黑色保時捷做「二奶」,愛車維修後,他即驅車出巡曬太陽。
蕭正楠窮包二奶揸20萬波子出巡蕭正楠(Edwin)最近主演的新劇熱播,反應不俗,心情大靚的他近日購下一部黑色保時捷做「二奶」獎勵自己,不過有黃翠如這位 ...


蕭正楠窮包二奶 揸20萬波子出巡

蕭正楠(Edwin)最近主演的新劇熱播,反應不俗,心情大靚的他近日購下一部黑色保時捷做「二奶」獎勵自己,不過有黃翠如這位絕世慳家女友掌管財政大權,Edwin只好「窮」買價值約20萬元、11年車齡的舊車過車癮,但「二奶」購入不久,煞車燈就壞了,難怪日前他出席宣傳後,要翠如擔任柴可夫接載返歸!

無綫小生蕭正楠與女友黃翠如拍拖約三年,早已共賦同居,並不時傳出婚訊,早前他們曾表示有意置業,一向慳到盡的翠如,更指要與男友鬥慳,被「管家女友」掌管財政大權的Edwin,花費一分一毫都要女友首肯,就連最近他孭飛的新劇《超時空男臣》熱播,Edwin諗住買部靚跑車獎勵自己,亦只能「窮」買市場二手價,價值約20萬元、足足有11年車齡的二手保時捷,該車當年落地價大約110萬元。

左車尾燈壞咗

日前Edwin便駕駛購入不久的黑色「波子」跑車出巡,往馬鞍山工作,至下午4時許才驅車回家,只見「波子」左邊煞車燈已壞了,他急急把座駕駛回寓所附近的停車場,落車後拿着一袋二袋物品匆匆上樓。由於「二奶」要維修,事隔數天Edwin出席尖沙咀的宣傳活動時,正印翠如為男友擔任柴可夫管接管送,只見她送Edwin到達尖沙咀後便驅車離開,至晚上約11時才驅車折返,接載男友返回荔景的同居寓所,兩人見記者在場時亦全程笑笑口任影,雙雙返歸繼續溫馨。

Edwin的愛車左邊煞車燈壞了。
  • Edwin的愛車左邊煞車燈壞了。
「二奶」要修理,Edwin由正印翠如擔任柴可夫接載返歸。
  • 「二奶」要修理,Edwin由正印翠如擔任柴可夫接載返歸。
密密搵銀的蕭正楠,財政大權卻在黃翠如之手。
  • 密密搵銀的蕭正楠,財政大權卻在黃翠如之手。

財政獨立買玩具

翌日Edwin終於揸住「二奶」出巡,見他驅車往寓所附近的銀行提款後再去跑步,而「波子」的煞車燈亦已維修妥當。Edwin見記者在場一臉愕然,當問及購下「波子」跑車時,他說:「玩具嚟啫,見呢幾日天氣好,咪專登攞架車出嚟曬吓囉!」提到女友掌管財政大權只好買舊車過車癮,Edwin口窒窒說:「唔係……咁大個人財政獨立o架(下月放大假係咪同女友旅行提早度蜜月?)暫時無可奉告,最近都要做宣傳,睇吓有冇時間啦。」

Edwin遇上街坊Fans吹吹水。
  • Edwin遇上街坊Fans吹吹水。
Edwin拎住一袋二袋,回家「交人」。
  • Edwin拎住一袋二袋,回家「交人」。
Edwin於寓所附近跑步夠晒慳。
  • Edwin於寓所附近跑步夠晒慳。

文、攝:追蹤組


鍾意就快D Share啦!