2017年7月6日 星期四

「咪神」接班人 嘴過黃宗澤羅仲謙  32C曹思詩出擊晒蜜桃臀 [壹週刊 - 1426] __,曹思詩,羅仲謙,黃宗澤,M1,

夏日水著「咪神」接班人 嘴過黃宗澤羅仲謙 32C曹思詩出擊晒蜜桃臀踏入七月炎炎夏日,又到女模寫真戰!打頭陣搶閘出擊嘅就係有「翻版唐詩詠」之稱曹思詩(C ...


夏日水著

「咪神」接班人 嘴過黃宗澤羅仲謙  32C曹思詩出擊晒蜜桃臀

踏入七月炎炎夏日,又到女模寫真戰!打頭陣搶閘出擊嘅就係有「翻版唐詩詠」之稱曹思詩( CC),現為大台新人的 CC擁有 32C上圍加堅挺渾圓蜜桃股,身材骨肉均稱。 16歲未成年時曾經出過寫真的她,相隔九年宣布將於今年書展推出第二本個人寫真集《 Sexy on the Beach》,性感尺度當然大大提升,以小麥肌、蜜桃臀,再加上一對殺人「胸」器,盡地一鋪搶「咪神」寶座。

蜜桃臀吸睛

現年二十五歲的大台新人曹思詩( CC)樣貌似足唐詩詠,不過上圍就比真貨詩詠有睇頭得多,她是第二十七期藝員訓練班出身,與陳凱琳及蔡思貝同屆,不過她平時拍劇都係做閒角居多,直到一五年有機會與蔡思貝和李佳芯等主持節目《山系女孩 Yama Girl》後開始為人熟悉。

擁 C Cup身材及天生「蜜桃臀」的她,今年決定加入寫真戰團大解放,當中除咗玩濕身,仲出動 T back半裸誘惑宅男,實行豁出去搏上位!問到 CC今次出寫真有什麼賣點?

擁有渾圓靚股的曹思詩,今年將於書展推出以小麥肌(古銅色肌膚)加蜜桃臀做寫真集賣點。

作為 bikini狂迷的 CC預告寫真中會解開上身束縛,半裸上陣。

「十六歲嗰陣自己出過一次寫真,當年仲好細個,咩都唔識抱住玩玩吓嘅心態,今年再有公司邀請出寫真係開心同感恩,個人心態主要係想喺自己二十五歲嘅時候將青春留倩影,自己好鍾意陽光與海灘,所以同攝影師商量過之後都以香港十大最靚嘅沙灘來做主題,可以話係冇底線,拍攝前兩個多月我已經展開地獄式節食同健身特訓,又專登去曬太陽同曬燈,希望以不一樣同最完美嘅自己俾大家睇!」曹思詩說。

CC曾經在電影《我的野蠻女友 2》中做黃宗澤情人,二人更有激烈嘴戲。

在劇集《潮流教主》中同羅仲謙有車震激嘴戲。

CC籮趷趷在 IG大騷豐滿蜜桃臀,極盡誘惑。

羅仲謙有激嘴

去年周子揚背着女友何傲兒跟 CC酒店談心兼齊齊放狗,最後激嬲何傲兒分手收場,被指做第三者的 CC事後無奈表示:「當日佢同我堅稱自己係單身我先以朋友身份應約,絕對冇同佢拍過拖!」除了私生活,回顧 CC履歷,原來他的幕前異性艷福也不少,早年同陳柏宇同遊日本做 MV女主角,加入無綫前, CC曾改藝名「曹卓榣」簽予導演馬偉豪旗下公司,喺電影《我的野蠻女友 2》飾演黃宗澤秘密情人,二人更有一場熱吻戲,一三年過檔無綫後更於劇集《潮流教主》與羅仲謙有車震激嘴戲,恨死唔少妹妹仔。

CC著住 bikini出蠱惑玩走下波,性感尺度無極限。

寫真集例牌 pose,𠌥低身夾胸,一定難唔到 CC。

在攝影師指導下, CC在沙灘上腿張開典來典去。

唔介意性感

身形弗爆的 CC,不時在社交網大晒身材,又試過係劇集除剩個 bra出鏡,問到是否擔心會被定型?她說:「加入咗無綫後有機會拍劇先認清自己條路,知道自己真係好鍾意演戲,亦都唔介意性感或者做奸角小三角色,其實無綫都俾咗好多機會我,之前係《心理追兇》做王君馨嘅大學同學,大家有唔少對手戲學咗好多嘢!」

CC曾經在劇集中除剩個胸罩色誘周子揚,現實中,周子揚就曾經背住何傲兒同 CC齊齊放狗而傳出緋聞。

CC同陳凱琳、蔡思貝、鄧佩儀等都是第 27期藝員訓練班同學。

新一代「咪神」

近年,大台為搶收視,力捧不少導彈咪神,個個都童顏巨乳,噴血吸睛。

陳婉衡

擁有 36E導彈身材的陳婉衡,被網民稱為「翻版泳兒」,曾主持多個 J2台旅遊節目《 3日 2夜》、《賞遊澳門》,當中在《 Go! Yama Girl》逼爆身材大晒五吋事業線突圍而出,近年受無綫力捧。

陳偉琪

13年參選香港小姐,擁有 34E、 26、 35索爆身材,加上熱愛籃球,被一眾宅男封為「籃球咪神」。

張秀文

近年憑住其 34D爆乳身材,火速彈起,即被安排主持《學是學非》、《 Do姐有問題》等節目; 15年,於節目《超強選擇 1分鐘》,其身材及修長美腿成為一時熱話。

撰文:娛樂組

攝影、攝錄:余一駱


鍾意就快D Share啦!
Related Posts Plugin for WordPress, Blogger...