2017年7月7日 星期五

【獨家】新劇孖張兆輝演父女戀? 34歲黃智雯拍外景真跌勁專業 __,張兆輝,黃智雯,

大台演員走下一個,走下又一個,其中有唔少當紮嘅女演員,踏入適婚年齡嫁得就嫁,缺人嘅情況都真係幾嚴重,難怪近年啲港姐,十足十演訓班咁,當選冇耐就入劇組拍 ...


大台演員走下一個,走下又一個,其中有唔少當紮嘅女演員,踏入適婚年齡嫁得就嫁,缺人嘅情況都真係幾嚴重,難怪近年啲港姐,十足十演訓班咁,當選冇耐就入劇組拍戲,不過其實大台真係有唔少好演技嘅女演員,只不過機會就真係……好似34歲嘅黃智雯咁,佢07年參選港姐入行,十年入面佢都有唔少出色嘅角色,不過真正做女主角,都只係呢一、兩年嘅事。最近黃智雯亦有份參演邵氏同大陸網站合拍嘅網劇《飛虎極戰》,劇中三大女主角有黃智雯、王敏奕、陳凱琳,其中王敏奕、陳凱琳就分別同黃宗澤、吳卓羲係一對,而黃智雯呢,就同54歲嘅張兆輝做一對,演父女戀?都咪話唔慘豬。點都好,其實黃智雯真係非常抵讚,就好似日前佢為呢套網劇喺西灣河拍外景,當日下午3點半黃智雯同劇組喺馬路邊拍戲,劇情大約係講黃智雯同一位7、8歲小朋友過馬路,突然一架貨van殺到,捉咗呢位小朋友上車。喺拍攝其間黃智雯非常專業,同工作人員多次試好晒位,仲拍足咗唔同嘅反應,其中一個take黃智雯喺反抗期間仲畀匪徒推跌落地,真跌之餘仲繼續交戲。而佢喺鏡頭後,都好緊張自己表現,每一次都同導演睇番playback。未埋位嗰陣呢,有廿幾三十人圍觀,加上天氣非常之咁熱,雖然佢不時補妝,不過都冇特別優待,一啲架子都冇,真係難得!

攝影:徐錦池、吳耀輝 最近黃智雯亦有份參加邵氏同大陸網站合拍嘅網劇《飛虎極戰》。 日前佢為呢套網劇喺西灣河拍外景。
佢仲同工作人員試位。 試位都交足戲。
到真係拍喇。 真係七情上面。
真係好唔錫身。 仲瞓晒身o添!

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...