2017年7月15日 星期六

何韻詩女人40 遺憾未生仔 __,何韻詩,

「當我認真去諗,身邊開始有動盪」何韻詩女人40 遺憾未生仔娛樂要聞【《蘋果》專訪】【香港書展2017】香港書展將於下周三開鑼,不少藝人女星搶閘出書出寫 ...


「當我認真去諗,身邊開始有動盪」

何韻詩女人40 遺憾未生仔

娛樂要聞

【《蘋果》專訪】

【香港書展2017】

香港書展將於下周三開鑼,不少藝人女星搶閘出書出寫真迎戰。何韻詩將推出新書《行旅.往後》,她日前接受本報記者專訪,雖已踏入女人40,原來才是她思考人生的開端。阿詩考慮過當媽媽:「曾經有一年,我有諗過係咪可以生仔?」但時代令她放棄十月懷胎的機會,她說:「當我認真去諗,身邊開始有動盪。」眼見同學結婚生仔,她坦言也有感慨!



何韻詩日前接受本報專訪,自爆曾考慮過生小朋友。

何韻詩前日在觀塘為新書《行旅.往後》接受本報專訪,她形容這個「回到加拿大滿地可(Montreal)的尋根之旅」是今年5月40歲生日的禮物,所以內容可以講是「相當之何韻詩」。

考慮過凍卵生B

阿詩在剛過去的5月,回到曾住過8年的滿地可,駕駛露營車穿州過省,重回以前的校園,與中學同學見面,她說:「我見番佢哋,好多已經結婚生仔,有好平穩嘅生活,但係我無論內在定外在都仲有咁多動盪,我會諗係咪我都應該去結婚生仔呢?」對於婚姻她很決絕的表示:「結婚唔講住。」但不諱言有過生小孩子的念頭,她開始娓娓道來:「係曾經有一年,邊年我唔講,費事你哋聯想到,我有諗過係咪可以生仔呢?你知啦,我要有後代係困難嘅,至少技術上係難。不過,我覺得自己細個都幾得意,第時個小朋友都應該得意呀,但當我認真去諗,身邊就開始有動盪。」



致力爭取同性婚姻的阿詩,自言對婚姻制度看得很淡。



傘運期間阿詩(右二)多次出席集會支持佔中。資料圖片

到現時阿詩認為在時間上未必照顧到小朋友,如果要讓工人湊,又何苦要生。加上環境跟氣候未必是小孩子成長的好時機,更重要的是誠如電影中的殺手或者小說中的高手,要到無敵的境界就要沒有負擔,阿詩多少有類似想法:「𠵱家我可以咁狂妄,係因為我冇家庭嘅負擔,我唔想有嘢令我卻步。人生總要犧牲一啲嘢去交換。問我有冇可惜?係有嘅,有啲同學都生咗四、五個,但係自己仲係咁嘅狀態,係會感慨嘅。」她笑言曾經想過凍卵,但想深一層沒必要50歲要人扶過馬路時才生。

心中仍有一團火

近年她致力爭取同性婚姻,但卻對婚姻制度看得很淡:「我真係冇乜諗法。我爭取係為咗有權去揀結與唔結,不過呢刻,我睇唔到自己有需要去做,但我唔會講得太深入,太私人。總之我追求生活、思想上空間嘅狀態。」

阿詩直言凡事以大局為重,對部份人來說40歲已經是老,但她覺得可以集合過往的經驗及經濟能力,加上心中一團火,是一個很好的時機去再試,她說:「因為我想做嘅嘢唔係咁傳統,所以要花好多氣力行事,所以家庭得到我嘅時間係少咗。𠵱家嘅工作量比以前,可以係乘10咁多,但係每兩個星期我都一定會同屋企人飲茶,呢個係基本需要。」因父母及大哥一直是支持她的原動力之一。

採訪:盧妹

攝影:陳俊強

髮型:Ben Lee

化妝:Hubei Har

場地:Parc古道具公園



阿詩於97年曾與同期出道的劉浩龍傳緋聞。資料圖片



於12年宣佈出櫃後,阿詩與鄧九雲過從甚密。資料圖片



去年12月,阿詩被爆背鄧九雲咀女助手方迦南。


鍾意就快D Share啦!
Related Posts Plugin for WordPress, Blogger...