掃呢頁CODE去手機

2017年7月31日 星期一

【獨家】余德丞晒40吋胸肌 江美儀嗒晒糖 __,余德丞,江美儀,

真係勁大隻!藝人江美儀拍劇「艷福無邊」,拍攝無綫新劇《誇世代》先後與黃智賢及關禮傑有感情線外,日前她與陳豪、關禮傑及蔡國威等於黃竹坑一所國際學校拍外景 ...


真係勁大隻!

藝人江美儀拍劇「艷福無邊」,拍攝無綫新劇《誇世代》先後與黃智賢及關禮傑有感情線外,日前她與陳豪、關禮傑及蔡國威等於黃竹坑一所國際學校拍外景,更有機會親身目測扮演其兒子的余德丞(Dickson)40吋胸肌。曾是香港游泳代表隊成員的Dickson換上泳褲拍攝一場游水戲,澎湃胸肌當場「原形畢露」,搞到美儀「少女心」盡現,且搞笑說:「嘩,小鮮肉喎,等咗呢場戲好耐嘞!」事後更作小鳥依人狀與Dickson合照。

余德丞恨畀江美儀鬧

現場所見,他們「兩母子」相處愉快,難怪當談到有傳美儀擺「阿姐款」教Dickson等做戲時,Dickson即「反擊」謂:「係我向佢討教嘅,我首次拍劇乜都唔識,佢肯教我真係塞錢入我袋,其實佢肯鬧我仲好呀。美儀姐對我好好,得閒就叫埋我去飲茶。」美儀則搞笑謂:「我啲戲份比較密集啲,一收工就返屋企呢,點會仲留喺廠教人做戲呀?唔通踏入七月真係猛啲?」而《誇》劇竣工後,美儀將放3個月假,計劃先後到訪日本、馬來西亞及澳洲等地。

陳豪預告晒肌

早前越洋向太太陳茵媺送花的陳豪,不讓Dickson專美,預告稍後亦會「寛衣解帶」拍攝打拳戲,於鏡頭前盡騷辛苦得來的胸肌:「操得差唔多嘞,呢段日子多謝張繼聰同我一齊捱,所以即使拍完劇,我都會盡keep嘅,無謂嘥咗嘛。(越洋送花咁浪漫?)我唔係浪漫嘅人,依家都喺度學緊。所有嘢發自內心嘅,娶咗個咁好嘅老婆,梗係要對佢好啲啦,同埋用行動話畀佢知,老公好錫佢,佢做媽咪好辛苦㗎。」陳豪更指很懷念身在加拿大牙牙學語的囡囡,一家人有計劃年底再去一次旅行享天倫。


來源 source: http://hk.on.cc
鍾意就快D Share啦!