掃呢頁CODE去手機

2017年7月18日 星期二

名人:8.27完婚 樂基兒婚宴唔請圈中人 __,樂基兒,基兒,

樂基兒話大家各有各忙。名模樂基兒公開婚訊後首次亮相出席活動。問到婚禮籌備情況,她表示:「其實仲未,啱啱先喺泰國返嚟,場地好早book咗,條裙、化妝同打 ...


樂基兒話大家各有各忙。

名模樂基兒公開婚訊後首次亮相出席活動。問到婚禮籌備情況,她表示:「其實仲未,啱啱先喺泰國返嚟,場地好早book咗,條裙、化妝同打扮就仲未諗,但布置同賓客就已經知,依家先開始決定。(心情緊張?)呢一刻未,可能返到美國會緊張啲,返到嚟香港都想習慣工作,之前又做瑜伽訓練一個月,個人都好calm同peaceful。(同未婚夫Ian一齊返嚟?)唔係,佢不嬲喺香港,我自己去。(上次拍咗條片好開心,都帶咗Ian見朋友?)其實嗰個係我Facebook識番嚟嘅瑜伽老師,佢負責做上面嘅marketing,又咁啱轉機返美國咪叫佢出嚟食餐飯,所以唔係專登帶埋未婚夫見面,即係第一日返到香港咪帶佢周圍玩,睇吓景。」

請50個人

問到會請甚麼嘉賓出席婚禮?樂基兒表示不會邀請太多:「大部分都係美國細嗰時嘅同學,仲有屋企人,香港你哋識得都唔會有,佢(Ian)都有啲香港朋友嘅。(你啲model朋友都冇?)冇,for family only。(有幾多人?)加埋晒50個,同埋唔係一個大嘅宴會,想同家人同密友,個心就好多人想請,好多謝好多朋友支持我哋結婚。(香港會唔會搞?)一定唔會,都唔會食飯。(婚後邊度住?)都係香港,佢香港工作,嗰時係旅行求婚,同埋我家人都住美國,同埋嗰邊天氣好啲,做到Outdoor活動。(幾多號結婚?)8月27號。(會唔會再着婚紗?)應該會嘅,揀到咪着囉。因為我個朋友都幫我造咗條裙,今星期先去睇婚紗。(未婚夫畀唔畀你性感?)佢冇所謂,因為以前都喺美國讀書,都好西方化。」

問到前夫黎明有否祝賀她,樂基兒說:「冇呀,大家都各有各忙,唔知佢知唔知。(會唔會請佢?)唔會啦,香港好多人我都冇請。」


來源 source: http://hk.on.cc
鍾意就快D Share啦!