掃呢頁CODE去手機

2017年7月18日 星期二

【add即時.尚】與父不和 與弟爭產?大少薛世恒論盡前妻陳法拉 __,法拉,薛世恒,陳法拉,

關於薛世恒(Daniel),因家族做娛樂事業的Neway卡拉OK、與陳法拉的感情由相戀到分開,都是娛樂版的新聞的常客,問到當中真偽成份,他就笑言:「以 ...


關於薛世恒(Daniel),因家族做娛樂事業的Neway卡拉OK、與陳法拉的感情由相戀到分開,都是娛樂版的新聞的常客,問到當中真偽成份,他就笑言:「以前啲人問我,梗係全部都真,依家梗係…我唔可以講全部假,但係好多時睇到得啖笑。」《蘋果》就給他一個平台給他講出睇法/澄清。【個樣同袁偉豪餅印?】

「佢靚仔啲,我型啲,我識阿Ben,點解會識佢,因為啲朋友攞張相畀我:『Daniel,呢張相係唔係你?我話係,但係我幾時影過呢張相?』我自己都認錯,咁呢個人我一定要識,11年喺王浩信結婚時識佢,之後我畀我阿媽睇,問佢似唔似,佢都話幾似,我問阿媽點解咁似嘅?佢冇答我。」【同細佬薛嘉麟不和爭身家?】

「睇得電視劇多,實際上唔係呢啲嘢。我哋差兩年,冇代溝,佢有佢嘅家庭,我又我嘅世界,唔會好似細個咁一齊生活,一齊對住,成日家庭聚會,我哋一個屋企,係好close。兄弟不和梗係冇啦,老實講,冇乜機會爭同一樣嘢,各有各做。」【與父工作有磨擦?】

「點都有啦,冇仇不成父子,少少都有,好多時喺同一公司做嘢,就大件事,就好多時我嘅觀察,槍口唔係對外,喺對內,大家喺度爭,呢個係最唔好,不過依家大家各自做自己生意,會見到嗰個世界其實好大,對比呢個世界係一粒沙,你睇嘅話一定向住嗰個世界去睇,唔係向住粒沙去睇,呢粒沙係講緊相對於成個世界,環顧身邊嘅嘢仲有好多好有價值。」壓軸當然要講陳法拉…

究竟係離婚、前夫、前妻關係?

「我會覺得向前睇啦,我依家同佢都係好朋友。講我自己先,呢個係我生命入面一個重要部份,而呢樣嘢就喺過去,好似一本書,我寫完喇,呢本書擺喺書架到,我又唔會因為書架有本書唔開心,或開心咗,佢會喺度,有時會攞嚟睇,不過我人生會有其他部份,一個階段。至於人哋點睇,就冇得避免。我希望有一日會有自己家庭,我依家覺得工作畀我滿足感好大,唔係好急,希望有一日會有啦。」

採訪:梁錦雯 攝影:周樂恒 攝錄:李祉澄、郭賢興 薛世恒卸下Neway大少的光環,自立開公司搞地產項目。 回想大學畢業後即要返家族打理生意,自言壓力大有點迷茫。
與陳法拉的一段情雖成為歷史,Daniel視之為生命中重要的部份。
Daniel雖自立外闖,與一家人關係密切,常聚首一堂family day。 與袁偉豪餅印樣,二人同樣愛好揸電單車。

來源 source: http://s.nextmedia.com
鍾意就快D Share啦!