掃呢頁CODE去手機

2017年7月27日 星期四

唔續約 想收山 鍾嘉欣肉緊狂啜 B女 [壹週刊 - 1429] __,嘉欣,鍾嘉欣,M1,

嘉欣BB對住Kelly好肉緊,又攬又錫。探熱針唔續約 想收山 鍾嘉欣肉緊狂啜B女「嘉欣BB」自從升呢做「嘉欣媽媽」後,長駐溫哥華相夫教女,即將約滿大台 ...


嘉欣 BB對住 Kelly好肉緊,又攬又錫。

探熱針

唔續約 想收山 鍾嘉欣肉緊狂啜 B女

「嘉欣 BB」自從升呢做「嘉欣媽媽」後,長駐溫哥華相夫教女,即將約滿大台,嘉欣 BB有女萬事足,至今仍未肯動筆續約,隨時收山做全職媽咪。

早排嘉欣 BB湊住阿女返港搵快錢,留港兩星期,兩母女又要返歸喇!上週二晚(十一日),嘉欣 BB同阿女現身機場,就快足一歲的 Kelly,愈大愈似媽咪,眼大大、鼻高高,而且見人就笑,搶晒阿媽 fo喇!

Check in搞足半個鐘, Kelly開始扭計要落地。

Kelly見人就笑,氹死班 Auntie喇!

阿媽急急腳趕入閘, Kelly就瞓喺 BB車食餅食得好滋味。

傾唔掂數

下年同大台約滿,鍾嘉欣仍未肯動筆續約,連樂易玲都冇晒符。

兩年冇拍劇,嘉欣 BB經大台高層多次游說,終於肯復出接拍新劇《再創世紀》,為咗遷就佢開工,劇組將移師溫哥華拍外景一個月,等佢可以邊湊女邊開工,真巴閉!

講明以阿女行先,據知嘉欣 BB下年即將同大台約滿,但至今仍未肯動筆續約,高層樂易玲在訪問中提及此事亦無奈話:「佢都要考慮家庭,始終佢想再生小朋友,所以唔只係條件問題,反而係佢能否兼顧。」

「其實而家開始傾緊續約,不過 Linda一定係以屋企行先,佢又唔想個女同佢一齊飛嚟飛去做空中飛人,加上同老公有計劃生多個,所以唔續約嘅機會好大。」 Linda身邊人透露。

紅過星爸媽

除咗鍾嘉欣個寶貝女 Kelly同佢一樣咁省鏡之外,圈中有唔少星二代萌 B,都遺傳咗阿爸阿媽嘅優良傳統,一樣人氣高企。

Yumiko囡囡 梁浸浸

Yumiko兩歲女梁浸浸,人仔細細有一把曲髮,成日表情多多,唔止阿 Sa阿嬌同 Joey一班契媽錫晒,連班網友到 like爆,直情紅過阿媽!

周汶錡囝囝  Jacques

周汶錡同法籍老公先後生咗兩個仔仔,大仔 Jacques啱啱兩歲,五官似阿爸係混血 B仔, Kathy喺 ig成日 po片,阿仔載歌載舞,又古靈精怪,真係好精靈。

Jessica C囡囡  Tessa

要數萌 B當然唔少得 Jessica C同安志杰囡囡,個樣似足媽咪咁靚,人仔細細已經好有音樂感,早排仲俾廣告商睇中邀請拍廣告。

慳坐 econ

出名係慳妹的嘉欣 BB,搭長途機唔怕辛苦,今次返溫哥華都選擇坐經濟艙,加上 Kelly未夠一歲,可以同媽咪坐同一個位,連機票錢都慳番,完全符合嘉欣 BB嘅經濟原則。

當晚到達機場,嘉欣 BB雖然有兩個助手跟身,不過全程親自湊女,用孭帶孭住阿女喺心囗。下個月足一歲大的 Kelly,絕對係超大碼 BB,手長腳長,而且好好肉地。睇返 Kelly啱啱出世嗰陣,同爸爸餅印一樣,好彩大大吓似番媽咪,五官標致,笑起上嚟一樣咁 sweet,靚樣出番晒嚟

鍾嘉欣出席活動時一提 Kelly就冧晒,更表示正為囡囡籌備一歲生日 party。

今次返港搵快錢之餘,鍾嘉欣仲順便出席好姊妹王君馨婚禮。

15年鍾嘉欣同 Bosco拍完《警犬巴打》後嫁人,兩年冇再拍劇。

肉緊錫女

差唔多晚上十一點, Kelly依然好精神,眼仔碌碌四圍望, check in嗰陣,有途人撩佢玩,點知佢一啲都唔怕生暴,見人就笑,仲揮手 say hi,氹到班 auntie鬼咁開心, Kelly咁得意,難怪嘉欣 BB對住佢鬼咁肉緊,一時攬到實一實,一時又同阿女錫錫,冧到痺!

搞咗半個鐘, Kelly開始唔耐煩,兩隻腳仔不停踢,扭計要落地,嘉欣 BB冇晒符,惟有投降解開孭帶,將阿女放入 BB車,點知 Kelly即刻爆喊,嘉欣 BB再出撒手鐧,拎餅乾出嚟氹女,呢招果然 work, Kelly馬上收聲。

氹掂阿女,嘉欣 BB準備入閘,沿路對記者提問 keep住拉鏈嘴,而且摩打腳愈行愈快。阿媽焦急,但阿女就好鬼歎,瞓喺 BB車,嗒住塊餅好滋味!

睇番 Kelly出世嗰陣,同爸爸餅印一樣。

撰文:娛樂組

攝影:蕭敬漁、森美


鍾意就快D Share啦!