掃呢頁CODE去手機

2017年7月4日 星期二

【阿公B仔百日宴】子華契爺一抱即唔喊:我一得閒就做陪月 __,子華,黃子華,

(新增影片)蘇永康(阿公)噚晚就喺灣仔嘅六國酒店,為佢囝囝Jazz搞百日宴,唔少圈中好友都有到場,好似黃子華、超儀夫婦、容祖兒、梁漢文、上山詩鈉同囡囡 ...


(新增影片)蘇永康(阿公)噚晚就喺灣仔嘅六國酒店,為佢囝囝Jazz搞百日宴,唔少圈中好友都有到場,好似黃子華、超儀夫婦、容祖兒、梁漢文、上山詩鈉同囡囡、胡杏兒夫婦、許志安、張衞健、杜德偉、狄波拉、蘇志威、蔡一傑等等都有去到。近晚上十一點嘅時候,阿公就抱住一張油畫相出嚟,相入面係1967阿公媽媽抱住阿公,同埋2017年阿公媽媽抱住孫仔。阿公落到嚟笑得好開心,又派紅雞蛋同利是。阿公就話:「張相就係相隔49年,係媽媽喺同一個地方,一次抱住我,一次抱住Jazz,因為以前爸爸都喺呢度做嘢,今晚擺咗十一圍,大家都好開心,呢個百日宴最主要紀念爸爸,因為佢以為喺警察會做樂隊,當年佢唔想收片,所以就做銀樂隊,又有警隊福利,但當年一份工唔夠,所以夜晚佢就喺呢間酒店做樂隊。」講到囝囝今日咩情況,阿公就話:「子華今日好勁,因為佢係契爺,角色好重要,阿仔一喊,只要子華抱就唔喊,我懷疑佢每星期都有一日,去母親的抉擇度做。」其實今日唔係真正嘅一百日,係一百零五日,因為之前太太去咗公幹,所以遲咗五日先搞,仲話好多時阿公自己照顧BB,因為工人都要休息。過咗一陣,子華就同埋一大班人出嚟,講到阿公大讚佢,子華就講笑話:「其實o依家我一得閒就去做陪月。」子華就送孭帶畀阿公,因為契仔已經16磅重,都係時候要用孭帶,子華仲話好渴望成日去阿公屋企照顧契仔。祖兒走嘅時候就問到師兄做咩唔嚟,佢就話師兄唔喺香港。

契爺子華送咗孭帶 (採訪、攝影:梁繼光、黃曉程)
1967同2017年嘅阿公媽媽 阿公好開心 張衞健
上山詩鈉同囡囡 車碗碗
任賢齊 拉姑 容祖兒

來源 source: http://s.nextmedia.com
鍾意就快D Share啦!