張繼聰就話拍嘢去見識唔使同老婆講嘅！
藝人張繼聰日前為新片《西謊極落之太爆太子太空艙》拍攝宣傳片，並踩入佐敦的時鐘酒店，玩轉主題情趣房間！阿聰走入以車廂及婦科診所為主題的房間，笑指連時鐘酒店都想法多多，並即興扮搭車及拿起房內的電話把玩，記者笑問車廂何解有電話，他笑說：「咁加鐘都要打電話畀櫃檯！」未幾又走入以婦科診所主題房間，拿起聽筒扮醫生，認真搞鬼！
驚返歸衰多口
阿聰與鄭欣宜在片中飾演年輕情侶，因「土地供應」問題致性生活不愉快，所以阿聰戴口罩喬裝，實地走訪各區時鐘酒店，期望解決需要。問到是否第一次去時鐘酒店，趁機大開眼界？他笑說：「梗係第一次嚟啦，當見識吓！做演員幾好吖，可以睇到啲平時睇唔到嘅嘢！」見識過後可會向太太謝安琪「匯報」？他說：「唔使喇啩！收咗工就唔好帶工作返屋企啦，我哋覺得好笑，但老婆未必覺得好笑，唔好多口」
林敏驄亂灑鹽花
另外，《西》片前日公開爆笑NG片段，片中張繼聰想帶女友鄭欣宜去「太空艙」床位享受魚水之歡，但欣宜反感Say No，中途又殺出林敏驄大講有味笑話，搞到兩人及林盛斌都難以忍笑，惟獨周柏豪勁認真零笑意。
來源 source: http://hk.on.cc
|
鍾意就快D Share啦！
|
|
|
