2017年7月8日 星期六

【姊妹不和?】胡說八道會聚會冇預佢 胡定欣發作:佢哋係有意排斥我! __,定欣,胡定欣,

喺今年母親節宣佈有喜嘅胡杏兒,0依家好開心咁享受陀b嘅時間,(新聞連結:http://bit.ly/2pApxoZ)雖然佢減少工作,專心養胎,不過有一 ...


喺今年母親節宣佈有喜嘅胡杏兒,0依家好開心咁享受陀b嘅時間,(新聞連結:http://bit.ly/2pApxoZ)雖然佢減少工作,專心養胎,不過有一樣嘢佢一定會做,就係同胡說八道會嘅一班好姊妹,包括有黃智雯、胡蓓蔚、李施嬅、姚子羚同胡定欣聚會。今日凌晨時份,姚子羚喺微博同ig分別貼咗佢哋去聚會啲相,陀b大約5個幾月嘅杏兒,佢嘅身型完全係長胎唔長肉,似乎真係keep得幾好喎!跟住佢哋幾個好姊妹齊齊攬住杏兒一齊合照,姚子羚留言話:「Our happy time ~契媽和baby lee有個約會 @黃智雯Mandy @胡蓓蔚 @胡杏兒 @李施嬅selena 你在何處?@胡定欣nancywu!」啱啱喺橫店拍完《深宮計》嘅胡定欣,聽講嗰日返嚟香港嘅航班延誤,喺大陸嘅機場已經滯留咗一段時間,忙咗咁耐,返嚟梗係要去旅行好好休息吓,所以嗰晚未有現身出席聚會,冇耐定欣喺ig轉發姚子羚嘅相片兼話:「​​​​我開始覺得......佢哋係有意排斥我!! 因為佢哋大部分時間都係喺我唔得閒同唔喺香港的時候約齊人....... 」跟住佢仲hashtag話:「#胡說八道會 #影相仲要笑得好開心 #咁樣係咩意思 #我宜家好嬲 #leftgroup!」唔少網民留言叫佢唔好咁做,仲幫其他成員好說話,姚子羚留言話:「聚會又點可以冇咗定欣呀!其實我地好random咁約!」定欣就話呢個理由唔成立,杏兒亦都留言話:「邊個叫你咁忙啫!」定欣即刻話:「咁你養我,我咪唔忙囉!」杏兒好搞笑咁回覆:「好快有人養你㗎使乜我喎!」杏兒除咗同班好姊妹放閃之後,當然仲有同老公李乘德(Philip)晒恩愛,Philip喺ig貼咗張杏兒坐咗張好有皇后feel嘅凳嘅相,佢好搞笑話皇后坐喺度等佢收工,搞到佢好有壓力,杏兒留言話:「收得工未啊唔該,你個B好肚餓呀!」結果Philip話:「老婆你今日已經食咗幾餐啦喎!勁!」嘩,使唔使咁閃?

黃智雯近排傳同男友同居,睇嚟佢好事近!(姚子羚微博圖片) (姚子羚微博圖片) 胡杏兒、黃智雯同姚子羚重演選港姐?(姚子羚微博圖片)
姚子羚喺微博召喚胡定欣!(姚子羚微博圖片) 胡定欣喺ig留言話嬲豬!(胡定欣ig圖片) 胡杏兒陀b 5個幾月,長胎唔長肉!(李乘德ig圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...