網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月21日 星期五

有親密相!胡定欣否認撻着小鮮肉治情傷 __,定欣,胡定欣,

胡定欣同小鮮肉施駿喆搭膊頭又頭貼頭咁喎!藝人胡定欣在尖沙咀出席無綫新劇《宮心計2深宮計》煞科宴。提到有指她因緋聞男友陳展鵬轉戀單文柔而受情傷,所以在內 ...


胡定欣同小鮮肉施駿喆搭膊頭又頭貼頭咁喎!

藝人胡定欣在尖沙咀出席無綫新劇《宮心計2深宮計》煞科宴。提到有指她因緋聞男友陳展鵬轉戀單文柔而受情傷,所以在內地開工時與無綫小鮮肉施駿喆秒速撻着,更有親密合照為證,她即謂:「唔好誤會,張相係喺慰勞宴影,張相影咗個幾星期,有呢個新聞都幾好笑。(唔係情迷小鮮肉?)唔好亂咁寫,佢係小影迷支持我啫!(有着落未?)等待緊,希望拍完劇休息吓,識吓朋友擴闊吓生活圈子。希望傳媒手下留情,畀我清吓個File,畀我識吓朋友,唔識我嘅人會誤會!」

提到《同盟》即將播映,問會否擔心與陳展鵬宣傳時兩人緋聞被重提,她即指屆時大家都會努力去宣傳:「冇希望出到街有好成績!(同佢碰面唔尷尬?)你哋唔講唔問就唔尷尬架喇!(喺橫店見到馬國明同黃心穎好Sweet?)我可唔可以講有?!」有指作為馬國明舊愛的她非常讓步,她表示與對方是好好朋友:「其實唔需要理有關新聞,唔會影響我同佢相處。我都祝福佢有個好女朋友,有個好歸宿,早日成家立室。」

提到「胡說八道會」賣甩她去玩,她笑謂:「好嬲呀!其實係我去咗旅行啫!但佢哋真係趁我開劇開到天昏地暗、趁我唔喺香港就約到齊人,我要自我檢討。」又指29號與「胡說八道會」到澳洲拍攝特輯,屆時更會親自操刀幫大肚杏兒影孕婦寫真:「睇佢有冇準備孕婦Bikini!」更笑指胡蓓蔚打算拎三個篋出發。


來源 source: http://hk.on.cc
鍾意就快D Share啦!