2017年7月3日 星期一

名人:終於出櫃 鄧達智認與男友訂婚 __,鄧達智,

鄧達智首次承認出櫃!本地著名時裝設計師鄧達智(William)日前在同性好友、外科醫生Clement的生日會上,在朋友見證下與Clement訂婚,之前 ...


鄧達智首次承認出櫃!

本地著名時裝設計師鄧達智(William)日前在同性好友、外科醫生Clement的生日會上,在朋友見證下與Clement訂婚,之前一直未有承認同志身份的William,接受東網電話訪問時,首次承認出櫃,現與Clement及朋友身在檳城的William被問到訂婚一事,他表示﹕「我唔鍾意用個咁傳統嘅字眼,我鍾意用engagement,訂婚係一個中文嘅譯法。(點解揀對方生日時訂婚﹖)係我迫佢,其實佢需要多啲時間去考慮,佢知道有戒指收,但以為係生日禮物。(你當時有冇跪地?)唉吔,我冇做呢樣嘢㖭,爭咗。(佢個人好好,所以你先決定咁做﹖)呢個係佢嘅優點亦係佢缺點,好人得滯。」

「Right time遇上right person」

問到之前從未承認come out的他,為何有所改變﹖他覺得是在對的時間遇上對的人﹕「第一以前係唔相信,佢曾經都有問過我相唔相信﹖但今次遇到一個令你心悅誠服嘅人,即係right time遇上right person,呢個機會唔係一定人有我有,同埋我都獨身咗咁耐。後來大家自自然然就喺埋一齊,我覺得呢啲就係人生,自己都估唔到咁幸運可以經過呢個過程,你遇到一萬個都未必遇到呢一個。(好有勇氣去行呢步認come out﹖)我諗佢嘅勇氣大啲,因為佢嘅工作係比較傳統,佢係醫生,我份工就反叛啲,所以對佢嚟講,佢嘅勇氣大過我。」

冇同家人交代

至於會否考慮結婚,William稱暫未考慮,但並非沒有可能﹕「如果結婚會揀喺意大利佛羅倫斯,因為我好鍾意嗰個地方,已經計劃將來退休會喺嗰度生活,而且佢都好鍾意佛羅倫斯。(依家係咪一齊住﹖)唔會,大家都有大家嘅工作方式,而且工作時間又唔同,唔需要一齊住,但會多啲時間一齊,我覺得唔使24小時對住,咁會好攰,所以揀分開住。(你同咗家人講咗未﹖)佢父母已經唔喺度,佢妹妹又喺外國,我屋企啲家族成員都各自成家,我哋都係無父無母,我哋都係孤兒,所以唔需要向人交待。」William又否認兩人在檳城是度蜜月,他稱早於半年前已計劃好一齊去檳城食榴槤,而明天便會返港。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...