掃呢頁CODE去手機

2017年7月12日 星期三

【獨家】林子萱街頭蹺手黑面發火 谷德昭一臉無奈解畫 __,林子萱,谷德昭,

下個月係谷德昭嘅52歲生日,唔經唔覺,佢同林子萱已經拍咗拖有14年,雖然肥谷一直都冇公開承認林子萱嘅女友身份,不過佢喺呢方面都似乎好專一,就算佢導演嘅 ...


下個月係谷德昭嘅52歲生日,唔經唔覺,佢同林子萱已經拍咗拖有14年,雖然肥谷一直都冇公開承認林子萱嘅女友身份,不過佢喺呢方面都似乎好專一,就算佢導演嘅戲會有好好多靚女合作,但係佢都好少有緋聞傳出,近年佢哋都好公開咁出席活動。已經淡出娛樂圈,轉行做咗教兒童瑜伽嘅林子萱,早前出席活動被問同肥谷有冇結婚計劃,佢話:「我係個要放工嘅人,有小朋友就24小時冇得放工,冇得放工會好驚,自己又唔鍾意帶工人去旅行,自由自在好啲。」(新聞連結:http://bit.ly/2tPsinL)其實2個人喺埋一齊生活,最緊要係啱傾,婚書又似乎唔係咁重要!日前《蘋果》喺中環見到谷德昭同林子萱喺度拍拖行街街,嗰陣大約係下晝2點半左右,中環嘅街頭人來人往,最初同行仲有一個男仔,但係冇幾耐就散咗,得番佢哋兩個,不過行行吓唔知係咪有啲嗌拗,見到林子萱個樣有啲掹掹哋,蹺晒手兼黑面咁對住男友講唔停,肥谷個樣就一臉無奈,可能嗰陣佢哋都戴住黑超,加上打扮又好簡單,所以唔係好多人認得佢哋,最後佢哋邊行邊講咁上咗去中建大廈。

採訪、攝影:羅德光 林子萱最初都只係有啲掹憎。 唔知發生乜嘢事,搞到林子萱街頭開火呢?
肥谷一直低調戀情,直到近年先經常結伴出席活動。(資料圖片) 林子萱話未有結婚打算。(資料圖片) (資料圖片)

來源 source: http://s.nextmedia.com
鍾意就快D Share啦!