隔開扮唔識勁避忌
周秀娜孖已婚監製 包冚睇戲
【爆相爆片】人稱娜姐的周秀娜當年憑34D上圍及42吋長腿，在眾𡃁模中脫穎而出。不經不覺在娛圈打滾達十年，自從13年跟髮型師男友陳偉成（Avis）分手後，娜姐身邊一直未有真命天子出現。Dry了多年的娜姐近日似乎有着落，上星期一她跟傳過緋聞的已婚監製，到銅鑼灣時代廣場看戲，頭戴cap帽長髮披面的娜姐，顯得頗為避忌，似乎很怕被人發現。
已婚監製黃永峰日前跟娜姐睇《壞蛋獎門人3》，臨入場才走得稍近兼且交談。讀者提供圖片
現年32歲的周秀娜09年在書展推出一本名為《Kissy Chrissie》寫真及人形攬枕成功出位，寫真集中，她漏牙膏落胸及滿口雪糕的照片，到今日仍然為人津津樂道。出道至今她只有髮型師男友陳偉成，但13年男友偷食𡃁模羅彩玲後，兩人分手收場，其間只偶爾傳過娜姐跟曼聯前球員里奧費迪南（Rio Ferdinand）及方力申的緋聞，感情似乎未有着落，反而事業的表現更加出色。
等候入場時兩人顯得有點避忌，行到離行離列。
已婚監製黃永峰早在2011年就跟娜姐傳過緋聞。資料圖片
娜姐首本寫真集中，胸口滴滿牙膏的照片，已成為經典照。
笠帽加長髮遮臉
近年轉型拍戲的娜姐參與了不少電影演出，賀歲片有鄭丹瑞導演的《小男人週記3之吾家有喜》、獲獎電影有彭秀慧導演的《29+1》，片中她都有出色演出。感情上dry了多年的娜姐近日似乎有點轉機，早前本報讀者周小姐透過「爆相爆片」報料，她表示上周一見到娜姐跟一位六呎高男士，在銅鑼灣時代廣場看戲，周小姐說：「嗰陣差不多夜晚8點，我喺時代廣場間戲院排緊隊，準備入場，見到周秀娜同位男士排我後面。開頭都唔知係佢，直到佢開聲講嘢至認得，佢把聲比較易認。」
讀者周小姐形容娜姐戴了一頂cap帽拉到非常之低外，再將一把長髮披臉，完全看不到面貌，很懷疑她能否看到路。買了一支烏龍茶的娜姐臨入場前，還在不停篤手機，而身邊有位身穿西裝、高大威猛的六呎男士。不過兩人都顯得頗避忌，扮不相識之外，入場前更不時四圍張望，似乎很怕被人發現一齊及拍照。要到入場時，他們才放心交談，才知原來兩人認識。
六年前合作電影
娜姐接受本報電話訪問，承認當日確實跟一位男性友人去看電影《壞蛋獎門人3》（Despicable Me 3），娜姐說：「冇乜避忌喎，普通朋友。嚟嚟去去都係嗰幾個男性朋友、女性朋友，女性朋友冇人影相之嘛。因為嗰日冇化妝，頂帽咪笠低啲囉。」娜姐笑言假如有拖拍的時候，一定會公告天下，不會收收埋埋。至於那位高大威猛男士，娜姐表示是認識很久的朋友，她補充說：「呢排返咗香港，同好多朋友都好耐冇見，所以好多朋友都約我食飯，就係咁之嘛。」據知，跟娜姐看戲的是11年曾合作電影《熱浪球愛戰》的已婚監製黃永峰，當時二人常出雙入對宣傳電影，而傳出緋聞。另外，《壞蛋3》獲娜姐加持之下，截至前日本港累計票房達4,262萬元。
採訪：李森
|
鍾意就快D Share啦！
|
|
|
