2017年7月31日 星期一

【與周冬雨合體】上大陸節目 童童「死亡風」紋身離奇消失 __,童童,周冬雨,中國,大陸,竇靖童,

竇靖童一向形象前衛,喜歡中性打扮,但就遺傳天后王菲同竇唯嘅音樂天份,早前為電影《七月與安生》獻唱主題曲《It'sNotACrime,ItsJustWh ...


竇靖童一向形象前衛,喜歡中性打扮,但就遺傳天后王菲同竇唯嘅音樂天份,早前為電影《七月與安生》獻唱主題曲《It's Not A Crime, Its Just What We Do》,一人包辨作曲、填詞,真係好有才華。一部《七月與安生》仲令童童同影后周冬雨及馬思純成為好朋友,早前周冬雨被影到右腳上有一條直線紋身,與童童臉上,被網友戲稱為「死亡風」紋身一模一樣(相關新聞﹕http://bit.ly/2eYwJ9W)。加上童童同周冬雨經常被人影到一齊逛街、睇話劇同遊埠,密友關係變得撲朔迷離。最近大陸節目《快樂大本營》邀請咗童童、周冬雨同馬思純再度合體,獻唱S.H.E經典歌《Super Star》,三人默契十足,每當童童唱歌,現場觀眾嗌得特別大聲。而最離奇嘅係,童童臉上嘅「死亡風」紋身唔見咗,就連手上嘅紋身都冇埋。但童童近日喺社交網上嘅新相,紋身依然喺度,有網友就問童童夠用咗邊款遮瑕膏效果咁好,另內地有傳媒就話係製作單位幫童童P走晒所有紋身,唔知係咪上電視要轉番個健康啲嘅形象呢?!

童童上大陸節目,臉上嘅紋身突然消失咗。(網絡圖片) 電影《七月與安生》,令馬思純、童童同周冬雨成為好朋友。
童童同媽咪王菲關係好似朋友一樣,合照食煙都唔介意。 童童近照中,都仲見到臉上紋身。 周冬雨曾被影到腳上有一條直線紋身,與童童臉上嘅一樣。(網絡圖片)
童童同周冬雨曾被影到一齊食飯。(網絡圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...