2017年7月17日 星期一

何雁詩散心任恤衫男拖:我冇自殺 __,何雁詩,

何雁詩迴避𠝹手:我冇自殺娛樂要聞何雁詩和鄭俊弘都是無綫旗下星夢歌手,3個月前形象乖仔的鄭俊弘被爆背未婚妻暗交何雁詩,最後宣佈跟未婚妻已分手,更高調拖何 ...


何雁詩迴避𠝹手:我冇自殺

娛樂要聞

何雁詩和鄭俊弘都是無綫旗下星夢歌手,3個月前形象乖仔的鄭俊弘被爆背未婚妻暗交何雁詩,最後宣佈跟未婚妻已分手,更高調拖何雁詩現身機場認拍拖。然而有傳二人受無綫打壓,鄭俊弘幾乎零工作,何雁詩更傳壓力爆煲𠝹手自殘,縫了7、8針,日前在網上貼相疑露疤痕。上周四晚,本報直擊何雁詩現身山林道打邊爐,惟不見鄭俊弘,除了有好姊妹陳瀅和劉佩玥陪開餐,同場有位「恤衫男」孖實何雁詩並肩而坐。



何雁詩昨日繼續穿長袖外套示人,被傳𠝹手的她直言:「我冇自殺!」

「以後會小心」

繼續着長袖衫遮手臂的何雁詩,全晚與恤衫男有講有笑,兩位好姊妹都沒機會搭訕,約9時許眾人埋單離去,過馬路時恤衫男忽然主動拖實何雁詩,只見女方沒有抗拒,直至行到劉佩玥座駕前才放手。記者上前問何雁詩是否跟鄭俊弘已分手、認識了新男友?她笑着否認:「梗係唔係啦。」為甚麼與恤衫男拖實行?她風騷說:「佢拖住我咋,我唔係佢嗰杯茶,係我中學同學,因為我哋好耐冇見,佢好掛住我箒。」

何雁詩昨日到尖沙嘴出席活動為是非解畫,繼續以長袖外套示人,問到在社交網寫「何去何從」有甚麼意思?她說:「我唔係講感情。」對於日前貼相疑洩露手上傷痕,她煞有介事說:「呢排我都會靜啲,少啲擺相。我都明白嘅,只可以話我冇自殺,其他嘢唔回應。」問手上兩條是甚麼?她含糊說:「我冇認真去睇清楚。」追問手上是否有疤痕?她封嘴:「我唔答。」

記者謂吳綺莉女兒卓林𠝹手有勇氣承認,何雁詩則表示:「我係公眾人物,講嘢要小心啲,之後唔會po相,唔想因為自己私人事搞到好似博見報。」



【拖手】上周四晚,何雁詩約好友食飯,離開時恤衫男拖實過馬路。



【尷尬】當晚飯局不見男友鄭俊弘,何雁詩澄清恤衫男是舊同學。



【走先】劉佩玥(左)與陳瀅撇低何雁詩先走。

積極自我進修

對於日前跟恤衫男拖實,何雁詩再澄清:「係識咗好多年嘅中學同學,唔係拖,係捉住我手臂,我出街拍拖都唔會拖手。」記者即提醒她曾跟鄭俊弘拖手認愛,她支吾說:「唔會有下次。」問到與鄭俊弘感情有否變化?她強調:「一直都冇變,只係想低調啲。」

對於鄭俊弘傳被公司雪藏,何雁詩澄清:「佢之前有拍廣告同MV,呢段時間我哋都有進修自己。」問會否覺得拖累男友?她嚴肅說:「冇得咁樣計,我哋冇咁諗,唔想有任何情緒影響工作,男友𠵱家好開心,日日彈結他。」

此外,同場的王浩信表示跟何雁詩拍劇成為朋友:「知佢最近經歷好多,無論任何嘢都撐佢,知佢呢段時間有壓力,正常面對咁大壓力,都有少少波動。」

採訪、黃曉程、王連連

攝影:梁繼光、陳慧安、仇志德



今年4月,鄭俊弘高調認戀何雁詩後,即傳被無綫雪藏。資料圖片



何雁詩大前晚在Ig貼相,見其左手前臂明顯有疤痕(箭嘴示)。



王浩信昨日與何雁詩現身商場活動,與觀眾玩遊戲笑得開懷。


鍾意就快D Share啦!
Related Posts Plugin for WordPress, Blogger...