2017年7月7日 星期五

迪科爾:抗癌小勇士失知覺 迪科爾爆喊:日內當天使 __,癌,

(GettyImages、互聯網圖片)6歲癌症病童洛厄里(BradleyLowery)一直勇敢抗癌,故事感動全球,佢同英超球星迪科爾,於抗癌路上結緣成 ...


(Getty Images、互聯網圖片)

6歲癌症病童洛厄里(Bradley Lowery)一直勇敢抗癌,故事感動全球,佢同英超球星迪科爾,於抗癌路上結緣成為好朋友。呢位般尼茅夫球星,近月不斷關注呢位抗癌小勇士,佢於英國時間周四喺記者會透露,Bradley已經失去知覺,唔識應爸爸媽媽,醫生認為佢只得番幾日命。講到傷心處,迪科爾忍唔住流下男兒淚,佢表示Bradley就算離開,都會長留喺自己心中。

剛由新特蘭轉投般尼茅夫,迪科爾於新球會開記者會交代事件,當被問到Bradley近況時,迪科爾面色一沉,眼淚忍唔住奪眶而出。抖完大氣後,迪科爾話承認Bradley日內將離開人世:「真係好難接受。我為自己家庭同佢嘅家庭,一直表現得好堅強,但到我識得佢愈來愈耐,事到如今,實在唔可以用任何言詞,去表達自己有幾難過。我每日都有打畀Bradley父母,知道佢依家咁辛苦,的確係好難受。當我爸爸去世,我以為可以應付;但Bradley咁細個就要受咁多苦、捱咗咁耐病情愈來愈壞,我崩潰了。Bradley只係得番幾日命,但就算佢離開,都依然會永遠留喺我心入面。我可以從Bradley眼入面,睇得出佢嘅愛係幾咁真摯。」

Bradley喺2013年被診斷患上極罕見疾病「神經母細胞瘤」,但佢未冇放棄一直接受治療,佢嘅故事深深感動社會。佢係新特蘭死忠粉絲,好鍾意迪科爾,迪科爾亦主動去接觸呢位小鬥士,之後大家感情愈來愈好,Bradley仲曾於英超及國際賽事,和迪科爾一齊出場。

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...