網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月2日 星期日

人夫黃浩約盛女酒店見 男辯稱醉咗:完全唔知女仔坐埋枱 __,黃浩,

黃浩(Kenny)噚晚撇甩老婆徐菁遙(前名徐淑敏Suki)紅磡夜蒲,被讀者周小姐碰個正著,透過《蘋果》嘅「爆相爆片」提供其醉爆相。相中只見黃浩一臉醉意 ...


黃浩(Kenny)噚晚撇甩老婆徐菁遙(前名徐淑敏Suki)紅磡夜蒲,被讀者周小姐碰個正著,透過《蘋果》嘅「爆相爆片」提供其醉爆相。相中只見黃浩一臉醉意,攤喺沙發,身邊坐著一女子,原來對方係曾拍無綫真人騷《求愛大作戰》嘅盛女Whitney(阮嘉善)。去年初離婚嘅Whitney,母兼父職照顧一對子女,噚晚單拖出動,估唔到約會對象竟然係人夫黃浩,仲去咗紅磡新開嘅香港嘉里酒店約會——同行還有一名女子和三位中年男子。據讀者周小姐提供圖片,相中見穿上黑色低胸上衣嘅Whitney坐到個身直一直,但醉倒在旁嘅黃浩右手垂放女方身後,睇唔清楚做緊乜;另一張相就見到Whitney側頭望着醉爆嘅黃浩,似乎都飲咗唔少。周小姐稱:「噚晚12點幾1點,我見到Kenny佢哋,兩女四男,兩個保鑣喺度飲嘢,Kenny當時少少醉,佢同Whitney咬耳仔。」《蘋果》今日致電黃浩,佢話:「噚晚我有出去同朋友飲嘢,我哋原先全男班,我因為去到前都飲咗啲酒,豪飲咗一陣好快醉,我跟住都醉咗瞓着埋,完全唔知有女仔坐埋咗枱,都唔知身邊有女仔坐咗埋嚟,完全斷咗片。」黃浩堅稱完全唔認識邊位Whitney,又話對佢冇印象,但事後又稱有同老婆有交代番喎:「有解釋噃,我當時真係醉到乜都唔知,我都知會令老婆尷尬,我以後會檢點啲。」黃浩仲話日內會陪Suki飛日本學廚藝。至於Whitney就回應稱:「因為就嚟生日,朋友約去飲嘢。我本身唔認識佢,唔知佢係娛樂圈人。」兩人似乎態度親暱有講有笑,頗有醉意嘅黃浩似乎掂到佢大腿同手喎?Whitney含糊其辭稱:「唔記得喇,講嘢大動作啩!佢好似有少少醉,冇特別嘢,我同朋友都早走。」問佢知對方已婚,以後會否避忌啲?Whitney表示:「以後會問朋友,一齊飲嘢嘅人有冇明星因為好敏感呀!」

讀者周小姐爆料指黃浩同盛女Whitney喺酒店飲嘢。(資料圖片/讀者周小姐提供圖片) 黃浩醉到攤咗喺梳化,旁邊就坐住盛女Whitney。(讀者周小姐提供圖片) 盛女Whitney笑得好開心吓!(讀者周小姐提供圖片)
黃浩一家五口(資料圖片) 盛女Whitney(資料圖片)

來源 source: http://s.nextmedia.com
鍾意就快D Share啦!