2017年7月7日 星期五

【修哥派洋蔥】《天地豪情》頭三集劇情重溫 羅嘉良郭藹明鬥到七彩 __,修哥,羅嘉良,郭藹明,胡楓,

無綫喺15年4月喺深夜時份播映神劇《大時代》,掀起一輪煲劇熱潮,搞到嗰段時間嘅收視上升,自此之後無綫安排咗唔少經典劇喺呢個時段播出,一連播映三輯嘅《妙 ...


無綫喺15年4月喺深夜時份播映神劇《大時代》,掀起一輪煲劇熱潮,搞到嗰段時間嘅收視上升,自此之後無綫安排咗唔少經典劇喺呢個時段播出,一連播映三輯嘅《妙手仁心》喺噚晚播映完大結局之後,依家重播嘅係1998年嘅《天地豪情》。呢套劇當年搵咗黃日華、羅嘉良、張家輝、蔡少芬等主演,嗰陣除咗收視成績好好,每集差唔多超過200萬觀眾收睇之外,羅嘉良飾演嘅大頭文,與及張家輝飾演奸到出汁嘅甘量宏,唔單止令觀眾又愛又恨,仲令佢哋喺台慶頒獎禮攞獎,羅嘉良成為視帝,張家輝亦得到戲劇組螢幕大躍進獎。查實呢套劇曾經喺03年2月同10年5月喺無綫重播,連埋今次在內,呢套劇已經第三次重播。羅嘉良喺出場嗰陣,講佢係一個終日游手好閒嘅賭仔,唔單止輸咗姑媽留俾低加拿大嘅餐館,甚至連飾演佢女友Apple嘅姚瑩瑩老竇嗰間餐館輸埋,於是撈家返香港問老竇胡楓借錢!郭藹明受胡楓所托去咗機場接機,撈家一落機即刻問郭藹明借錢賭馬,借輸咗八嚿水,當然有借冇回頭。雖然之後撈家去咗郭藹明間廠打工,點知佢知道郭藹明諗住搵細佬陳錦鴻去銀行幫佢入八萬八,呢筆錢原來係佢死慳死抵諗住用嚟買樓同男友李成昌結婚,撈家借啲意拎咗去賭錢,結果令陳錦鴻俾雪妮趕咗出門口,仲差啲令郭藹明結唔成婚!同郭藹明變咗做冤家嘅撈家,佢哋嘅八字認真唔夾,雖然佢最後喺細佬林曉峰嘅幫助下,還咗啲錢俾郭藹明,但係點知喺郭藹明同李成昌擺酒嗰晚,李成昌嘅老竇打牌贏咗舖十三么,興奮過度,心臟病猝死,一夜之間由紅事變白事,搞到佢哋覺得郭藹明係不詳人,之後撈家又撞破李成昌原來出便有第二個女人,結果佢同郭藹明關係變僵。呢三集除咗講撈頭同郭藹明之間鬥法,撈家同修哥嘅父子情,亦令人感動。劇情講陳錦鴻食死貓、俾阿媽雪妮以為佢學人賭錢輸咗家姐嗰八萬八,怒摑之餘將之逐出家門。修哥內疚,硬著頭皮向友人借錢,但大家食飽飽之後一聽到修哥想借錢就雞咁腳走,撈家目睹父親失落的背影,令人鼻酸。最後筆錢當然解決到,點知撈家仲唔知死,拎筆錢過大海想「翻身」,修哥及時趕到碼頭截住,二字箝羊馬將撈家按在地上,仲當眾除埋佢條褲……最後撈家舉手投降。當年呢套劇嘅幕前陣容好強勁,幕後亦都唔可以忽視,戚其義係監製,編審由周旭明、鮑偉聰、麥志誠擔任,陳維冠、林志華當年亦為呢套劇編導,0依家個個都有好好嘅發展!

撈嘉當年憑大頭文嘅角色,成為咗視帝。(電視截圖) 一出場,就係Apple…(電視截圖) 見到邊個咁嬲?當然係賭到天昏地暗嘅大頭文羅嘉良。 (電視截圖)
一招K.O. (電視截圖) 撈家一出就輸咗間餐館,姚瑩瑩拎咗屋契幫佢還債。(電視截圖) 郭藹明同李成昌做拖友。(電視截圖)
陳錦鴻、郭藹明同周海媚飾演三姊弟。(電視截圖) 陳錦鴻本來幫家姐郭藹明將八萬八存入銀行,點知俾撈家拎咗去賭。 (電視截圖) 當然係輸晒。 (電視截圖)
陳錦鴻食死貓唔出賣撈家,結果雪妮以為錦鴻學人賭錢輸晒,將之趕出門口。(電視截圖) 一巴車埋去。 撈家搞到郭藹明差啲結唔成婚。(電視截圖)
撈家路上遇到傷心的郭藹明… (電視截圖) 追佢九條街 (電視截圖) (電視截圖)
(電視截圖) 中女心聲。三十歲人…好不容易儲到筆錢想嫁…(電視截圖) 修哥代子向友人借錢 (電視截圖)
個個雞飛狗走 (電視截圖) 撈家看在眼裡 (電視截圖) 終於撲到八萬八,撈家仲想過大海去賭。 (電視截圖)
底褲都扯埋出嚟 (電視截圖) (電視截圖)
最後都擺到酒(電視截圖)
李成昌嘅老豆食咗舖十三么搞到興奮過度。(電視截圖) 一夜間由紅事變白事。(電視截圖) Apple由加拿大追到返香港 (電視截圖)
同世伯發生不少趣事(電視截圖) (電視截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...