2017年7月19日 星期三

蕭正楠高空墮地 曹永廉笑冇生育能力 __,正楠,曹永廉,蕭正楠,

嘩,小心啲好喎!藝人蕭正楠(阿蕭)與曹永廉(阿廉)與何廣沛主演的無綫新劇《超時空男臣》昨晚播出首集收視報捷,成功吸納175萬人次追看,暫時成為本年度首 ...


嘩,小心啲好喎!

藝人蕭正楠(阿蕭)與曹永廉(阿廉)與何廣沛主演的無綫新劇《超時空男臣》昨晚播出首集收視報捷,成功吸納175萬人次追看,暫時成為本年度首播劇集的最高收視紀錄。戲中扮演明朝將軍袁崇煥的阿蕭不乏拳腳功夫,首集已在鬧市「凌空疾走」,原來本拍攝過程相當「玩命」,據悉稍後將有場戲交代阿蕭為搵快錢,當替身化女妝吊威吔於3樓跳下來,豈料正式埋位時因風向改動等原因,致令阿蕭整個人倒轉跌下來,頭部先貼向地上榻榻米,令工作人員嚇呆!

唔阻救人

身為好兄弟阿廉見狀即掏出手機拍下過程,第一時間向阿蕭女友翠如報平安,而相關照片終曝光。阿廉笑說:「當時一睇已知有問題,我呆一呆,見咁多人圍過去,我就唔阻住救人啦。見到佢瞓喺度郁都郁唔到,後嚟大家扶佢埋一邊休息,又幫佢搽油,大約半小時後先見佢OK番,事後佢同我講話聽到啲骨有聲。」阿廉謂事後有捉阿蕭去做全身檢查:「都幾十歲要keep住(檢查),我唔係擔心佢,係擔心翠如嘅終生幸福啫。(整到脊椎會唔會影響生育能力?)呢層我唔擔心,佢都冇乜啦,我反而啤咗兩件(小朋友)。」他又大讚阿蕭今次演出相當用心兼落力,寄望對方於台慶頒奬禮上「有回報」。

阿廉生日開工過

阿廉不讓阿蕭搶鏡,事關稍後劇情將交代他出手幫何廣沛擊退追求者,「犧牲色相」二人上演一幕激吻。談到咀男生,阿廉謂:「都唔係第一次,我咀過黎耀祥嘞,感覺真係有啲怪,不過做嘢啫。」除了收視報捷外,阿廉坦言近日工作不絕,十月自己生日及太太生日都不能留港慶祝:「要出埠登台,有嘢做已經好感恩。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...