2017年7月29日 星期六

咀到抹嘴!孫耀威話沖涼都唔除婚戒 __,孫耀威,

再次恭喜你哋!藝人孫耀威(Eric)與陳美詩(Macy)今日(29日)在堅尼地道的佑寧堂舉行結婚儀式,儀式後一對新人與親友合照,當中包括嘉賓何超蓮。期 ...


再次恭喜你哋!

藝人孫耀威(Eric)與陳美詩(Macy)今日(29日)在堅尼地道的佑寧堂舉行結婚儀式,儀式後一對新人與親友合照,當中包括嘉賓何超蓮。期間兩人不忘與花女和親友的BB玩耍。落梯級時,Eric輕扶太太,非常細心。一對新人應傳媒要求接吻近5次,Macy更甜笑幫老公抹嘴。

哮喘病發冇阻唱歌

受訪時,Macy表示心情興奮:「有好多感動位,好感恩,好多人幫手。禮堂唔係好大,請嘅人唔係好多,好感恩樣樣都順利。」Eric透露哮喘病發,進場唱歌時幸好順利唱到,感覺很溫馨,但有很多朋友未能邀請到,有點不好意思,希望將來找到好的婚宴場地:「今次好趕,因為我好想喺呢個教堂做儀式。我信耶穌之後第一間教堂就喺呢度,留低好多腳毛同眼淚。」由於佑寧堂即將拆卸,他們是重建前最後一對新人,Eric坦言唔捨得,剛才獻唱聖詩《Deeper in Love》給太太,希望與對方的愛一直很深。

唔止生一個

問到可有感動到哭?他表示初時沒有,因為已綵排過:「不過音樂一響起,個鼻就酸一酸,我哋有段誓詞,但唔知對方寫乜,我讀我嗰段都讀唔落去,到佢講我更加忍唔住。姊妹王君馨好醒,即刻畀紙巾我哋。(講咩咁感動?)佢話我Complete佢嘅人生,人一定有好多缺點,但兩個人一齊就可以互補不足,希望同佢係Perfect Match。」Macy自言與爸爸進場時想起爸爸陪自己的片段,現在對方要交自己給老公,令她很想哭和感動,但笑言貪靚,不想流淚令化妝花掉:「好好奇佢講乜,我覺得每一句都好感動。」問到是否雙喜臨門?Eric指是Good Idea,希望將來不止生一個,Macy就說婚紗較為貼身,已努力令裙子漂亮。

11月遊法國紅酒莊

至於Macy戴着近5百萬港元的鑽飾,Eric指是心意:「一世人一次,希望靚同有意義,我哋嘅戒指刻住對方個名,我沖涼去廁所都唔會除,好好提醒自己我有老婆。(想生幾多個?)我唔介意佢生幾多個,佢都幾好生養。」他透露之前開了婚前派對,但有兄弟很乖地於料給Macy,等Macy可出席婚前派對:「成班男仔劈酒,都OK,證明我哋好乖。」而哮喘發就因為外面太多菌,早前有點感冒,但感恩不算嚴重,只是有點聲沙。他希望今年內舉行婚宴,不想拖太久,但這次只能邀請很少人,結果得罪了很多人。稍後他接了不少工作,因此未會即時度蜜月,希望11月於法國工作後到波爾多遊紅酒莊。

問到今晚可有慶祝活動?他說:「冇乜特別,我哋訂咗酒店超級大套房,兩個人鴛鴦戲水。張床大過韋小寶嗰張,幻想有7個佢。今日休息,養精蓄銳。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...