2017年7月30日 星期日

孫耀威陳美詩蝦碌行禮洞房鴛鴦浴! __,孫耀威,陳美詩,

孫耀威抱得美人歸,開心到忘形!
孫耀威陳美詩蝦碌行禮洞房鴛鴦浴!歌手孫耀威(Eric)與女友陳美詩昨日在港舉行結婚儀式,兩人交換戒指及讀誓詞後發生蝦碌事,還未等牧師正式宣布結為夫妻, ...


孫耀威陳美詩蝦碌行禮洞房鴛鴦浴!

歌手孫耀威(Eric)與女友陳美詩昨日在港舉行結婚儀式,兩人交換戒指及讀誓詞後發生蝦碌事,還未等牧師正式宣布結為夫妻,已興奮得衝落台與親友慶祝!一對新人全程咀足8次,Eric更Sweet爆表示彼此已兩位一體,兩人的英文名字頭「M」加上「E」,變成不能拆開的「ME」,寓意白頭到老!

現年44歲的孫耀威與36歲的陳美詩早前已在美國洛杉磯註冊結婚,他們昨日在堅尼地道即將重建的三級歷史建築物的佑寧堂,於牧師及親友見證下行禮,成為最後一對在該處行禮的新人,婚禮於下午4時正式開始。Eric獻唱聖詩《Deeper In Love》,以歌聲伴着Macy步入教堂,憑歌寄意向老婆示愛,場面溫馨甜蜜。穿白色低胸婚紗的Macy由父親翹住步入教堂,本身上圍有C Cup的她谷到行變E奶,配以一身500萬閃爆鑽飾,成為至吸睛新娘!

宣讀誓詞勁緊張

在過百親友見證下,Eric先為太太戴上結婚戒指,全程笑容滿面地宣讀誓詞。他表現得相當緊張,在場親友即拍掌為他打氣,他感激Macy一直以來的支持及愛護,並大讚她是個好妻子:「今日喺大家見證下,我已經唔係一個人嘅『我』,Macy加Eric,M加E,係一個新嘅『ME』,新嘅『我』,『我』以後就等於我加埋你,所以我哋以後唔可以再拆開,因為拆開就唔係完整嘅我!」而Macy亦情深回應:「雖然性格不盡相同,但往往又可互補不足,我並唔完美,但感恩有一個近乎完美嘅你。」兩人朗讀誓詞及共點蠟燭後,興奮得十指緊扣衝落台,豈料遭牧師出手拉番上台,原來儀式尚未完成!牧師要求他們平排站立,進行「咀嘴」環節後,隨即宣布兩人正式結為夫婦才禮成。

陳佩思(左起)、王君馨、李亞男及鄺文珣擔任索爆伴娘團。
  • 陳佩思(左起)、王君馨、李亞男及鄺文珣擔任索爆伴娘團。
Eric同Macy一咀再咀,濃情化不開!
  • Eric同Macy一咀再咀,濃情化不開!
Macy啜完一輪後幫老公抹嘴仔。
  • Macy啜完一輪後幫老公抹嘴仔。
哮喘病發的Eric大熱天時戴頸巾,無非是為了護住喉嚨。
  • 哮喘病發的Eric大熱天時戴頸巾,無非是為了護住喉嚨。

Eric其後致詞時,坦言知道由踏入娛樂圈一刻,家人就擔心到現在:「我喺出面唔識做人,闖禍啦,得罪人多稱呼人少,不過今日我就喺大家面前行人生嘅另一步,希望屋企人唔使擔心,因為多個人照顧我,多個人鬧我,所以唔使擔心!」在旁的Macy坦言眼淚沒有滴下來,但心裏充滿愛,兩人落台和親友大合照時,Eric再次忍不住親吻Macy臉頰。

哮喘病發照獻唱

受訪時,兩人應傳媒要求啜足5次,Macy更體貼地幫老公抹嘴。Eric透露哮喘病發,幸好唱歌時未有受影響。提到Macy佩戴500萬鑽飾行禮,Eric表示是他的心意:「我哋嘅戒指刻住對方個名,沖涼去廁所都唔會除,好好提醒自己有老婆。(想生幾多個小朋友?)我唔介意佢生幾多個,佢都幾好生養!」又搞笑說:「訂咗酒店超級大套房,兩個人鴛鴦戲水,張床大過韋小寶嗰張,幻想有7個佢(Macy)!」並透露今次婚禮場地較細,之後會再物色較大的場地再次行禮。

文:音樂組 

攝:司徒國榮、吳文聰


鍾意就快D Share啦!
Related Posts Plugin for WordPress, Blogger...