2017年7月16日 星期日

【獨家】「嫩版陳智燊」拖實何雁詩過馬路 超短熱褲露臍打邊爐 __,何雁詩,陳智燊,

24歲何雁詩(Stephanie)三個月前被爆同鄭俊弘(Fred)拍拖,但原來男方早有未婚妻Beebs,令「雁鄭」受盡千夫所指。有指無綫一直有施壓,上 ...


24歲何雁詩(Stephanie)三個月前被爆同鄭俊弘(Fred)拍拖,但原來男方早有未婚妻Beebs,令「雁鄭」受盡千夫所指。有指無綫一直有施壓,上月更傳患有緒病嘅何雁詩壓力爆煲,借酒澆愁,醉後鎅手自殺,縫咗七、八針!(相關新聞:

http://bit.ly/2tlTOFd )何雁詩事後雖然否認,但自此每次出活動都穿着長袖衫,噚日喺ig貼相,手臂位置更現除疤貼,令傳聞甚囂塵上。心情唔好,何雁詩會選擇旅行散心,又或者約埋一班朋友食飯。上周四,繼續係長袖衫,着住露臍裝加超短熱褲嘅何雁詩約咗劉佩玥、陳瀅同一男一女友人去尖沙咀山林道一間食店打邊爐。何雁詩同一位穿恤衫西褲嘅「嫩版陳智燊」一齊坐,全程有講有笑,連坐對面嘅陳瀅同劉佩玥都好似搭唔到嘴。大約晚上九點幾,一行五人就埋單離開食店,劉佩玥一馬當先,可能食得太滋味,見佢出到門口都仲舔舔脷。過馬路嘅時候,恤衫男突然伸手拖實何雁詩,何雁詩亦未有抗拒,過完馬路都仲拖咗一段路,直至行到去劉佩玥架車前先甩開手。記者追問係咪同阿Fred分手,另結新歡?何雁詩笑笑口話﹕「哈哈,梗係唔係啦。」咁點解要拖手呢?Stephanie好風騷咁答﹕「佢拖住我咋。(男友?)唔係啦,我唔係佢嗰杯茶,係我中學同學,因為我哋好耐冇見,我好耐唔係香港,佢好掛住我啫。」佢話現在感情生活好好、好安穩,叫大家唔使擔心。

(攝影﹕黃曉程、梁繼光) 「嫩版陳智燊」拖住何雁詩過馬路。
劉佩玥食到舔舔脷 陳瀅
何雁詩喺車尾廂放低嘢就離開。 提新歡一臉風騷。 噚日何雁詩係ig貼相,見佢手臂有除疤貼。(ig截圖)
何雁詩同鄭俊弘一直受公司壓力。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...