掃呢頁CODE去手機

2017年7月20日 星期四

【獨家】一碗牛肉飯同女友兩份食 崔建邦:我窮吖嘛 __,崔建邦,

舊愛唐詩詠同洪永城兩年情玩完,反而崔建邦同今年27歲嘅林珊珊細女李怡(野人),上年年初撻着,至今依然甜蜜,拍拖冇耐,野人已被踢爆喺男方位於飛鵝山寓所同 ...


舊愛唐詩詠同洪永城兩年情玩完,反而崔建邦同今年27歲嘅林珊珊細女李怡(野人),上年年初撻着,至今依然甜蜜,拍拖冇耐,野人已被踢爆喺男方位於飛鵝山寓所同居。其實同野人拍拖之前,崔建邦被指腳踏兩船,一方面暗交野人,但另一方面又拖住正印女友、有「翻版吳千語」之稱嘅陳嘉莉,結果被陳嘉莉發現,最後分手收場。坐正做崔建邦女友嘅野人,雖然曾經俾媽咪林珊珊阻止,但始終女大女世界,冇得阻。(新聞連結:http://bit.ly/2teZZvG )日前晚上約7點,讀者陳先生就見到崔建邦同野人,喺將軍澳廣場嘅吉野家買飯,男嘅排隊俾錢,之後再到隔鄰嘅吉之島買日用品同零食。陳先生表示:「男嘅去咗吉之島買嘢,女嘅就負責喺吉野家等外賣,見佢哋只係買咗一個飯,都唔知夠唔夠食。」陳先生話當時見到女方悶悶不樂嬲爆爆咁樣,似乎有啲唔開心,崔建邦就不時o氹吓女方。事後,崔建邦接受傳媒訪問時,就堅稱唔記得當晚嘅情況,仲講笑話以為唔敢再喺將軍澳出現。佢話:「其實都係買飯啫,冇乜特別。」對於只買一個牛肉飯盒,崔建邦就自嘲話:「唉吔!咁我窮冇錢嘛,第二時有錢咪買多啲囉!」回想當年風光時,崔建邦係大台前總經理陳志雲嘅頭號愛將,亦係金牌司儀,不過自從經歷醉駕、家暴、劈腿等負面新聞後,崔建邦形象插水,更要霉到做月薪僅過萬嘅助理編導(PA)。(新聞連結:http://bit.ly/2u7Z1mh )走過高山低谷,嚐過人情冷暖嘅崔建邦,近日事業終於稍稍現曙光。據知,以往一直擔任大台司儀、主持嘅佢,近日終於有機會入劇組,拍馬德鐘回巢新劇《跳躍生命線》,劇中崔建邦飾演救護員,會同朱咪咪做母子有唔少對手戲。

周一晚上約7點,崔建邦同林珊珊細女野人喺將軍澳廣場吉野家買飯盒。(相片由讀者提供) 崔建邦負責排隊俾錢。 (相片由讀者提供)
最終二人買咗一盒牛肉飯。(相片由讀者提供) 野人間中都會喺IG share性感相。(資料圖片) (資料圖片)
林珊珊兩個女李澄(西瓜)同李怡(野人)。 (資料圖片) 未同崔建邦一齊,野人同組合廿四味成員陳偉雄(阿肥)拍拖多年。 (資料圖片) 有傳野人媽咪林珊珊曾出力反對阿女同崔建邦一齊。 (資料圖片)
崔建邦窮困日子,一直租住村屋。 (資料圖片) 同正印陳嘉莉拍拖時,有指崔建邦瞞女友暗撻野人。

來源 source: http://s.nextmedia.com
鍾意就快D Share啦!