2017年7月4日 星期二

陳柏宇醉爆冇搞嘢:涼都冇沖就瞓 __,陳柏宇,

飲咁多,「造人」都冇力呀!歌手陳柏宇(Jason)與符曉薇(Leanne)於九龍灣筵開四十席,婚宴後呻攰的Jason因朋友盛情難卻,於凌晨二時再到下榻 ...


飲咁多,「造人」都冇力呀!

歌手陳柏宇(Jason)與符曉薇(Leanne)於九龍灣筵開四十席,婚宴後呻攰的Jason因朋友盛情難卻,於凌晨二時再到下榻酒店附近,由他做老闆的酒吧狂歡,酒過三巡後,酒量不淺的Jason狂飲三粒鐘後在太太陪同下步行返酒店,Jason睡醒接受電話訪問時說:「酒吧同酒店好近,自己可以行返去,都唔敢話自己飲得,但我肯飲嘅。(有冇洞房呀?)冇呀,太攰,涼都冇沖就瞓咗,第朝又趕住退房。(咁可惜?)唔會,我哋都去夏威夷度蜜月啦。」他又再次道謝為其婚宴出心出力的唱片公司同事及所有朋友。

另外,一班2007年出道的歌手趁婚宴敍舊,包括江若琳與男友蕭潤邦、小肥、前女子組合HotCha成員張紋嘉(Crystal)、黎美言及張惠雅等,因洪卓立有工作在身未能出席。曾與Jason傳緋聞的Crystal在婚宴上影2007年出道歌手的大合照時,熱情地搭着Jason膊頭,Crystal在電話中表示:「以為傳媒朋友唔記得,我仲以為自己走得甩唔使被問添。」問到前緋聞男友Jason結婚,她可有酸溜溜感覺?她大笑說:「係呀,有酸溜溜感覺,不過唔關Jason事,人哋結婚喇,我連男朋友都冇。」她透露稍後會去美國,想在當地找男朋友。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...