掃呢頁CODE去手機

2017年7月26日 星期三

港鐵:躁男舞刀:助人乘客自衛還擊 信警公平處理 __,港鐵,

譚先生(左)坦言下次遇到類似情況,會先報警求助。右圖箭咀為持刀男子。(梁鑫文攝、讀者提供)熱心助人乘客譚先生,周二晚憶述助人經過,他表示「周二(25日 ...


譚先生(左)坦言下次遇到類似情況,會先報警求助。右圖箭咀為持刀男子。(梁鑫文攝、讀者提供)

熱心助人乘客譚先生,周二晚憶述助人經過,他表示「周二(25日)朝早8點半嗰時,我喺金鐘站轉車去尖沙咀,當時見到2名男乘客爭執,一名男子畀人箍實襲擊,咁我見到就直接埋去制服對方,亦都格開咗被施襲嗰位男乘客吳先生,但係施襲者嘗試用手中嗰把萬用刀,向我條頸施襲,我出於自衛惟有還擊,最後持刀男跳咗上地鐵,但喺堅尼地城站畀警察拉咗。」

對於可能會被警察落案控告,譚澄清「我諗唔係告嘅,暫時係用咗警誡,就係喺公眾地方打架」。被問到是否覺得好唔抵,幫手都被拉?譚笑稱「我冇諗到呢點,真嘅,因為的而且確我有郁到手,當時情況我都冇辦法,要出於自衛,所以我諒解,但係我深信警方會有個公平決定,到時再睇情況去處理。」

至於下次見到類似情況,會唔會再幫人,譚稱「我唔會鼓吹他人一定要做同一個動作,因為絕對係在一個不明情況下而做嘅決定,但係下次會先衡量自身嘅安全,若果真係能力範圍內幫到人,我一定會做。」譚又稱任職獵頭公司,曾習武,目前獲准保釋,須於8月24日再到警署報到。


來源 source: http://hk.on.cc
鍾意就快D Share啦!