2017年7月30日 星期日

和好如初!溫碧霞生日晒全家福感謝老公 __,溫碧霞,

溫碧霞早前同老公何祖光鬧「婚變」,不過已經一天都光晒喇!今日51歲生日嘅「美魔女」溫碧霞(Irene),早前同老公何祖光鬧「婚變」,Irene就去咗美 ...


溫碧霞早前同老公何祖光鬧「婚變」,不過已經一天都光晒喇!

今日51歲生日嘅「美魔女」溫碧霞(Irene),早前同老公何祖光鬧「婚變」,Irene就去咗美國散心,但連日都有喺網上晒靚相,心情非常唔錯!而尋日就有消息指何祖光都好想挽救呢段婚姻,所以遠赴當地箍煲,睇嚟「行動」好成功,今日Irene就大晒一家三口照,感謝老公包容佢嘅一切任性同自我!

相中嘅Irene笑得非常開心,同老公玩自拍,又影全家福,何祖光又搭住Irene膊頭,之後就齊齊切蛋糕,感覺非常幸福!Irene留言:「謝謝你這些日子裡(裏)帶给我的快樂和幸福,我們一起笑過哭過以後,原來愛已經成為了我的習慣:)[心][心][心]Ps謝謝你包容我的一切任性和自我:) love u always」雖然今年冇大型生日派對慶祝,不過相信對Irene嚟講,別有一番意義!

而Irene接受東網訪問時,就承認「復合」同老公和好如初,佢話:「經過分開以後,我更加知道他真的非常愛我,而現在我們之間感情也更加深厚了!謝謝大家關心!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...