掃呢頁CODE去手機

2017年7月15日 星期六

港姐黃凱琪晒長腿吸睛 伍樂怡心口現紅印 __,港姐,

6位港姐為bigbigchannel進行「快問快答」直播。6位準港姐今午被安排到中環碼頭附近,為bigbigchannel進行「快問快答」直播,吸引不 ...


6位港姐為big big channel進行「快問快答」直播。

6位準港姐今午被安排到中環碼頭附近,為big big channel進行「快問快答」直播,吸引不少途人圍觀。

其中「仙氣李若彤」伍樂怡(Kelly)被發現心口紅到一撻撻,她解釋指可能天氣熱影響。談到早前被指「跌Watt」,她說:「其實我早排感冒,依家算好番,仲有兩聲咳囉。(監製話有機會再淘汰佳麗喎。)少少驚訝,因未聽過,但對自己有信心,盡力做好自己啦。(覺得自己似唔似李若彤?)佢好靚,我唔敢評論,但我覺得自己似爸爸。」至於「快問快答」直播環節,她笑言自己無事不可對人言,談到日後可能「被起底」,她則直言:「屋企人同男友都有心理準備喇。」

身高5呎10吋的黃凱琪(Suki)大騷長腿,似乎愈戰愈勇。問到她打算如何應付「快問快答」,她笑答:「我諗啲問題應該簡單啩,會過濾先答。我份人轉數唔夠快,應該要好好學習,讀書時同學會攞數學題嚟難我,我數學又真係成績差啲嘅。」談到稍後台灣拍外景,她坦言未知行程如何,故未開始準備行裝。

邱晴要減10磅

年僅17歲的「嫩版李珊珊」邱晴9月生日才成年,受訪期間表現略見緊張,她坦言一向怕醜,今次參選是想練大膽及挑戰自己:「會喺屋企對住塊鏡練,或者搵媽咪,學校老師、拳館師兄弟多啲傾吓偈。(直播想同網民分享啲乜?)美食同畫作,我比較有興趣。我係為食妹,但依家我要起碼減10磅,都係食吓生果、蔬菜同雞胸肉咁,係我同媽咪一齊整嘅愛心飯盒。」


來源 source: http://hk.on.cc
鍾意就快D Share啦!