掃呢頁CODE去手機

2017年7月14日 星期五

【獨家】坐關愛座唔讓老友記?阮民安:廢青都有唔舒服時候 __,阮民安,

被喻為MKPOP始祖——E-kids成員阮民安(Tommy),早排啱啱去咗旺角拍新歌MV,日前又再現身油尖旺區搭港鐵,點知現年37歲嘅Tommy仔,就 ...


被喻為MK POP始祖——E-kids成員阮民安(Tommy),早排啱啱去咗旺角拍新歌MV,日前又再現身油尖旺區搭港鐵,點知現年37歲嘅Tommy仔,就係因為星期一下午放工時間搭港鐵坐優先座,湊巧附近又有一個長者冇位坐,被讀者李小姐透過「爆相爆片」報料,指Tommy不讓坐。李小姐接受電話訪問時憶述:「嗰日係星期一,大約下晝5點幾放工時間,我喺油麻地站上車見到佢坐喺關愛座。當時車廂裏面都幾多人,附近又有個白頭髮嘅婆婆,佢都冇企身讓座,我唔清楚佢係扮定乜,不停喺度玩電話,但佢又戴咗黑超,都唔知係咪望到手機畫面。」李小姐仲話Tommy仔着咗對Vans,但好似唔啱size,將對鞋着到當拖鞋。對於被讀者指摘霸優先座,Tommy仔接受電話訪問表示:「我呢啲貼地歌手絕對會搭地鐵,因為我係窮歌手,相信大家唔會覺得Tommy仔有錢,可能大明星搭公共交通工具係親民,我呢啲梗係兜踎其實唔係咁樣,全香港過海有乜快過地鐵啦,呢啲繁忙時間。」「至於關愛座,雖然我哋呢啲喺老友記心目中俗稱廢青,但我哋都會有唔舒服時候。」Tommy仔稱,當日早上因為肚屙,已感不適,故才會搵位坐:「關愛座其實都係想畀啲有需要朋友,除咗老友記之外,咁老友記梗係大晒啦,梗係覺得畫咗公仔就係佢哋坐,但我哋呢啲廢青都有唔舒服時候。「至於附近有白頭髮婆婆,我呢啲一分一秒都要諗營運工作,比較緊張email、WhatsApp,未必留意到,下次見到老友記喺度,我無論嘔血又好,肚屙又好,都會立刻起身讓座,唔好意思。」至於將Vans着到變拖鞋,佢就話:「主要係對鞋買細咗,不如踩踭啦,又唔想嘥咗佢!唔知係咪年紀越大,連隻腳都大埋,下次買鞋買大半碼至得,可能有啲人認為係fashion都唔定,多謝大家關心我將Vans變拖鞋。」相關文章:

隔牆有耳:譚耀宗坐關愛座捱轟

http://bit.ly/2tiLjdW

(讀者提供圖片) 日前讀者李小姐見到Tommy搭港鐵,仲話佢坐關愛座唔讓位。(讀者提供圖片) Tommy踩踭「潮」着Vans…也是一種罪名?(讀者提供圖片)
Tommy接受《蘋果》電話訪問解釋件事,就話其實嗰日佢唔舒服,所以才坐關愛座。(資料圖片) (資料圖片) 譚耀宗就曾因為坐關愛座捱轟,他解釋謂:「我已經65歲㗎,我見到冇人坐先坐。」 (資料圖片)

來源 source: http://s.nextmedia.com
鍾意就快D Share啦!