2017年7月7日 星期五

名人:謝婷婷爆「鷹眼」單身勸認愛 __,謝婷婷,婷婷,

謝婷婷出席英皇鐘錶活動時大談緋聞男友荷里活影星「鷹眼」。藝人謝婷婷出席英皇鐘錶珠寶活動,以一身黑色中門大開戰衣示人,十分性感!問有否儲手錶習慣?她說: ...


謝婷婷出席英皇鐘錶活動時大談緋聞男友荷里活影星「鷹眼」。

藝人謝婷婷出席英皇鐘錶珠寶活動,以一身黑色中門大開戰衣示人,十分性感!問有否儲手錶習慣?她說:「覺得手錶好似家傳之寶咁,一代傳一代。平時爸爸、媽媽同哥哥(謝霆鋒)都會送畀我,我會當佢哋BB咁保養,但反而首飾會唔見。」她又自爆爸爸謝賢在機場的趣事:「爸爸係全家人最多首飾、最貪靚。有次同佢去機場,過關時要過金屬探測器,過咗十分鐘佢都未出嚟,因為佢要除耳環、十幾隻戒指、蛇皮Boots同皮帶。」

首次收到霆鋒自拍照

問會否現場選購手錶,作為爸爸本月底的生日禮物?她說:「我會送傢俬,因為爸爸新居入伙,會帶埋佢一齊揀。(冇上限?)係呀,所以我儲緊錢,一陣都同佢食飯,食雲吞麵。」另外,她又表示收到霆鋒在機場因航班延誤的自拍照:「從未收過佢自拍相。」

講到緋聞男友、荷里活影星「鷹眼」謝洛美維拿的手受傷,問婷婷有否慰問?她說:「有問佢,佢同我講隻手好痛。(你哋有聯絡?)有。(依家咩關係?)好過好朋友。(佢有冇睇你香港嘅新聞?)有,佢笑,佢有同我講叫我認咗佢,但我冇咁做,佢話全家人都好愛我,但我好傳統,佢冇問我係咪可以做佢女朋友。(咁佢有冇拍拖?)冇,佢依家單身。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...