掃呢頁CODE去手機

2017年7月6日 星期四

【獨家】拖手睇床上用品 黃宇詩與前人夫蘇豪唐樓同居? __,黃宇詩,

41歲嘅黃宇詩近年專心搞內衣生意,雖然已淡出娛圈,不過佢嘅感情生活仍然受唔少關注,事關佢同測量公司董事男友彭慶餘(Peter)拍拖多年,不過被指係小三 ...


41歲嘅黃宇詩近年專心搞內衣生意,雖然已淡出娛圈,不過佢嘅感情生活仍然受唔少關注,事關佢同測量公司董事男友彭慶餘(Peter)拍拖多年,不過被指係小三嘅報道不絕於耳。黃宇詩喺2011年被《蘋果》影到與有兩女一子的測量公司董事兼人夫Peter拍拖買餸玩煮飯仔,隨即被懷疑係第三者,當時黃宇詩仲公開表示會同Peter斷絕來往,避免有誤會。不過喺大前年,黃宇詩再被拍到同Peter拍拖睇戲,當時女方才公開關係。時間令人淡忘。大家對黃宇詩這段情開始遺忘之際,近數月再被炒熱,有報道指黃宇詩由第三者變正印,而黃宇詩亦澄清佢哋係喺Peter離婚之後,先至正式開始發展。不過早前大台播出嘅《關你家事》入面,Peter前妻Cady仲做埋嘉賓,唔開名力指前夫嘅女友係「小三」,矛頭直指黃宇詩。【睇完梳化再睇床上用品】

不過黃宇詩睇嚟一於少理,繼續開心拍拖,日前晚上8點半,黃宇詩喺上環PMQ元創坊佢嘅舖頭收工,一落到去就上咗架Benz,原來係男友Peter嚟接佢。之後兩人一齊去越南餐廳,食咗大半個鐘,就由黃宇詩埋單,之後由Peter揸車一齊去咗銅鑼灣宜家傢俬拍拖行街。一入去,兩人已經拎晒購物袋,好有默契咁直殺去試梳化,仲不時一齊討論,仲拎埋資料單張慢慢研究。之後兩人轉戰床上用品,樣樣都好似非常有興趣咁樣,睇完梳化又睇床上用品,未知是否想為愛巢佈置。最後,佢哋買咗毛巾等嘅日常用品同爆谷等就離開。由Peter揸車一齊返去蘇豪區一棟唐樓,不過佢哋就前後腳上樓,似乎已經同居咁噃!【「其實都係正常拍拖啫」】

對於被直擊拖男友試床上用品同梳化,黃宇詩接受《蘋果》電話訪問表示:「其實我哋係去試吓啲梳化,唔係真係買,主要因為新舖想睇吓有乜可以添置,純粹係一個娛樂咁啫。」點解返香閨要前後腳咁低調?黃宇詩解釋:「我哋係咁㗎,一直都係我行先,唔等佢,喺IKEA冇前後腳呀,都係拖住。」問到係咪搬埋一齊住?黃宇詩否認:「真係唔係。」記者謂佢哋拍拖咁耐,就算同居都冇所謂,佢話:「冇吖,冇咁嘅打算。」係咪想有各自空間?佢表示:「其實都係正常拍拖啫,冇乜特別。」對於早排被男友前妻上大台節目指控,問到有冇影響同男友感情?黃宇詩無奈謂:「係囉,之前嗰啲過去咗唔講咁多。o依家開心嘅,穩定囉。」男友係咪有安慰支持?佢就話:「大家支持大家,多謝你哋關心,我都唔想講咁多感情嘢。」

攝影:黃曉程、梁繼光 日前晚上8點半,黃宇詩喺上環PMQ元創坊佢嘅舖頭收工,一落到去就上咗架Benz,原來係男友嚟接佢。 佢哋一齊去食嘢。
十指緊扣 去咗食越南嘢!
之後去咗宜家傢俬拍拖。 佢睇埋床上用品。
佢哋最後仲前後腳返歸。

來源 source: http://s.nextmedia.com
鍾意就快D Share啦!