2017年7月27日 星期四

【唔妥到出面…】陳展鵬當眾爆胡定欣:你想點呀?你想點我咪想點囉! __,定欣,陳展鵬,展鵬,陳展,胡定欣,

之前一直有傳陳展鵬同胡定欣因為合作拍《城寨英雄》同《同盟》而撻著,嗰陣佢哋人前人後都表現好sweet,大家仲為佢哋係一對,點知今年3月俾《蘋果》踢爆陳 ...


之前一直有傳陳展鵬同胡定欣因為合作拍《城寨英雄》同《同盟》而撻著,嗰陣佢哋人前人後都表現好sweet,大家仲為佢哋係一對,點知今年3月俾《蘋果》踢爆陳展鵬同落選港姐單文柔摸黑上山頂開餐談心,被指背住定欣偷食嘅陳展鵬,事後聲稱自己單身未婚,同胡定欣絕對唔係拍拖,亦都冇撻著過。(新聞連結:http://bit.ly/2mPlMHN)仲轉晒口風話同單文柔目前係了解中,唔排除有機會發展。定欣之後亦都話成件事同佢無關,大家一直只係同事關係。今日定欣同陳展鵬喺將軍澳合體宣傳《同盟》,不過佢哋中間夾住鮑姐,喺台上鮮有交流,仲冇乜眼神接觸,比起上次宣傳《城寨》,完全係天同地。現場播咗一段預告片段,內容大約係講定欣用長腿引誘陳展鵬,點知陳展鵬喺唔耐煩嘅情況下,同定欣大打出手,情況有用打MMA一樣,搞現場觀眾個個睇到嘩嘩聲!司儀吳家樂都話佢哋好似玩MMA,定欣話:「其實都擺低咗好長時間,第一次睇番!」陳展鵬就話:「嗰啲動作即興,練係第二啲更加勁,o依家睇住少少先,呢度只係1/3嚟!」吳家樂即刻食住上,話既然「即興」,問大家夠唔夠「興」?定欣聞言就話:「要排幾個月先練到,放低咗幾個月!」陳展鵬亦話:「今日好多小朋友,唔好亂嚟,因為呢啲係經過特別訓練,如果o依家現場做,失手影響就唔好,不過都適合小朋友去睇。」點知吳家樂一於懶理,叫佢哋擺1、2個動作pose俾大家影吓相,陳展鵬就問定欣:「你想點呀?你想點我咪想點!」不過定欣冇答佢,只係擺咗一個揸拳嘅pose!不過吳家樂就話起碼有啲埋牙少少嘅動作pose,結果搵咗郭師傅上台,擺咗個定欣制服陳展鵬嘅pose!之後又播咗喺第二條預告片又見到陳展鵬露半股,陳展鵬呢個係佢歷史上第一次露半股,佢又冇錯喎,喺N年之前,陳展鵬喺亞視拍旅遊特輯,淨係露股罅全裸浸溫泉啫!

今日活動上,定欣同陳展鵬甫出場,中間一直夾住鮑姐,隔一隔冇咁尷尬。 今日雙方都明顯好「硬」…生硬個硬。
之前《城寨英雄》傳兩人撻著,嗰陣宣傳幾咁sweet!(資料圖片) 笑容仲好好添(資料圖片) 陳展鵬2004年曾拍過《台灣溫泉之旅》都試過露股罅全裸浸溫泉!(資料圖片)
但可能陳生已經唔記得咗,佢今日喺台上話《同盟》呢場露股戲係佢第一次露股喎… (電視截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...