掃呢頁CODE去手機

2017年7月8日 星期六

未見過女兒男友 王敏德詐晒型 __,王敏德,

王敏德談到仔女,滔滔不絕。
未見過女兒男友王敏德詐晒型藝人王敏德昨午到中環出席活動,談到近日兩個囡囡經常於社交網站上載性感照,有指他因此不太高興,王敏德說:「其實我啲仔女算乖,我 ...


未見過女兒男友 王敏德詐晒型

藝人王敏德昨午到中環出席活動,談到近日兩個囡囡經常於社交網站上載性感照,有指他因此不太高興,王敏德說:「其實我啲仔女算乖,我亦了解到新一代有佢哋自己嘅準則同潮流觸覺,我冇唔開心。」隨後他卻自爆有日與大嫂通電話,對方竟大讚女兒王麗嘉男友親切:「大嫂見過、我老婆見過(女兒男友),係我未見過,我都要知個男仔嘅背景啩?咁對我嚟講唔公平!」

至於孻仔早前被記者拍得夜蒲照,王敏德則有微言:「可能佢飲啤酒,我唔知,但佢未夠年齡喎!淨係知我間房近大門,知佢夜返。佢唔係好講嘢(指識女仔),所以我了解唔多。」問到他可打算召開家庭會議?他說:「細女過兩日返嚟,真係要坐低傾吓,會同佢哋講我哋屋企同記者關係好好,要畀正面啲嘅家庭形象出嚟。」

馬詩慧偕囝囝出席活動,擺蜘蛛俠甫士。
  • 馬詩慧偕囝囝出席活動,擺蜘蛛俠甫士。

而王敏德太太馬詩慧前晚出席活動談到老公「唔高興」即說:「爸爸係會保護囡囡多啲,我嘅底線鬆啲,最緊要靚,睇睇吓就會慣,就會睇開啲。」


鍾意就快D Share啦!