2017年7月10日 星期一

【獨家】卸下特首夫人頭銜 梁唐青儀單拖坐政府車去銅記買電視 __,唐青儀,特首,

前任特首梁振英嘅太太梁唐青儀噚日下晝4點45分,坐住政府車AM57七人車去到銅鑼灣時代廣場購物,身穿藍色polotee襯黑色褲嘅梁太獨自現身,冇咗特首 ...


前任特首梁振英嘅太太梁唐青儀噚日下晝4點45分,坐住政府車AM 57七人車去到銅鑼灣時代廣場購物,身穿藍色polo tee襯黑色褲嘅梁太獨自現身,冇咗特首夫人嘅光環,佢身邊未見助手或保安人員隨行,見佢直踩上9樓,先到Starbucks買咖啡,之後就行去隔籬嘅百老匯睇電器。梁太似乎已有心水買咩電器,即行去電視區揀電視,現場即有3個職員招呼梁太,相當尊貴,佢就好專心坐喺張高凳邊飲咖啡、邊睇電視、邊留心售貨員講解。梁太就睇中一部售價$14,980嘅Samsung嘅49吋大電視,仲有某信用卡做緊$8,980優惠,佢就問咗對方一句係唔係Smart TV,係唔係掛牆?嗰個售貨員落力講解,梁太好爽手拎咗張信用卡埋單,當時店員就再補充電視係座枱款式。之後,售貨員再向梁太sell埋套$4,990嘅喇叭,梁太表示冇問題買埋,個店員遞上卡片,仲同佢講:「裝完後有咩問題,妳一個電話俾我,我哋會到㗎喇。」之後,梁太轉去睇焗爐,睇咗約15分鐘就買咗,即碌卡寫低送貨地址後走人,梁太就落番商場地面,上七人車離開。

(採訪、攝影:畢紹基、吳耀輝) 梁太一到時代廣場,即上9樓,買杯咖啡先。 冇晒助手跟身,咩都要親力親為。
之後入電器舖揀電視,啲售貨員好落力sell。 雖然星期日好多人,但梁太似乎唔係好在乎其他人嘅目光。
梁太好多嘢問,但售貨員勁有耐性解答。 Shopping係件開心事,點解梁太扁晒嘴咁嘅?

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...