2017年7月28日 星期五

【好大條金鎖匙】爺爺開礦場爸爸開餐館 王宗堯係隱形富二代? __,王宗堯,富二代,宗堯,

王宗堯因為敢言,佔中時期走上街頭,之後喺港視嘅《選戰》、《導火新聞線》表現出色,冒起成為一代男神,擺脫《喜愛夜蒲》系列二打六嘅刻板印象。除咗以上呢啲, ...


王宗堯因為敢言,佔中時期走上街頭,之後喺港視嘅《選戰》、《導火新聞線》表現出色,冒起成為一代男神,擺脫《喜愛夜蒲》系列二打六嘅刻板印象。除咗以上呢啲,你對王宗堯仲有啲咩印象?如果話佢都算係半個富二代,你又知唔知呢?王宗堯爺爺曾經開過麻雀館、礦場,爸爸就經營過幾間餐廳,所以自細佢已經係位太子爺,閒時就偷師學煮餸,o依家廚藝都有番咁上下。屋企有錢,王宗堯喺英華書院讀到中三,之後轉到英國留學,大學讀過倫敦大學學院、倫敦帝國學院,兩間都係冇相對應嘅學費同學歷都入唔到嘅名校。畢業之後遇上金融海嘯,其他人為份工擔驚受怕嘅時候,王宗堯就喺老竇公司打工,負責開發數據庫。只係做咗幾個月,就飛咗去台灣做model,處男作係楊丞琳主演嘅《原味的夏天》。講多少少,王宗堯小時候客串過電影《上海1920》,演兒童版尊龍。咁有潛力嘅王宗堯,喺15年同蕭定一續約5年,又開咗自己嘅製作公司做埋老闆,仲話希望每年注資7位數去入公司。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...