2017年7月15日 星期六

【最新】傳與洗米華赴台入酒店 消息流出松岡勁嬲! __,松岡,洗米華,周焯華,松岡李那,

噚日下午1點幾,周焯華(洗米華)一個人返嚟香港,即刻有傳聞指佢前日同疑似松岡同遊台北。有指當時有目擊者見到疑似松岡跟洗米華前後現身W酒店,仲話女方好避 ...


噚日下午1點幾,周焯華(洗米華)一個人返嚟香港,即刻有傳聞指佢前日同疑似松岡同遊台北。有指當時有目擊者見到疑似松岡跟洗米華前後現身W酒店,仲話女方好避忌,一支箭先飆入酒店。不過,松岡前日傍晚6點幾,喺facebook曝露行蹤,話自己喺香港一間美容店做facial。曾經講過唔會做第三者嘅松岡,據聞得知自己同洗米華再度扯上關係後嬲得好緊要,噚晚11點幾,突然喺facebook大反擊,留言話自己由7月4日開始,一直都喺香港,冇去過台灣。佢話﹕「Do u want me to show my passport ?!?! Please don't put me into the game. How can you make this lie?!?! I'm going to talk with lawyer.?(係咪想我公開護照?唔好將我捲入遊戲中,點解要講大話?我會跟律師商量一下。)」其實松岡自從上月爆出同洗米華喺台灣女星安以軒婚宴上,攬腰共舞後,就不時有好多是是非非。有傳Mandy Lieu為咗呢件事嬲爆,越洋用WhatsApp鬧爆松岡,其後有指洗米華漏夜飛咗去英國,冇耐洗米華亦喺報章刊登聲明稱松岡做異性友人(新聞連結:http://bit.ly/2sE6agC)。

松岡話自己一直都喺香港。(fb截圖) 噚晚喺facebook澄清 傳同洗米華前日現身台灣酒店,但同日松岡就自曝行蹤,係香港做facial。
噚日下午返港

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...