2017年7月28日 星期五

【大大聲你要聽】激嬲完珍姐重返劇組 江美儀拍《誇世代》指揮官上身教做戲 __,珍姐,江美儀,曾勵珍,

曾勵珍擸盡小生花旦視帝視后拍嘅大台重頭劇《誇世代》,日夜趕拍,是非多多,先係曾勵珍vs劉家豪梅小青同一時間拍重頭劇,繼而爆出爭人內鬥,被爭對象,就係陳 ...


曾勵珍擸盡小生花旦視帝視后拍嘅大台重頭劇《誇世代》,日夜趕拍,是非多多,先係曾勵珍vs劉家豪梅小青同一時間拍重頭劇,繼而爆出爭人內鬥,被爭對象,就係陳豪。唔止咁,俾珍姐「成功爭取」嘅,仲包括歐陽震華、田蕊妮同江美儀。(新聞連結:http://bit.ly/2p2QAWN )咪住…江美儀?仲記唔記得去年底,江美儀因為拍新劇《親親我好媽》時,趁珍姐放大假嗰陣,暗中篤走珍姐愛將監製關永忠,令珍姐震怒;後嚟拍住麥包麥長青、滕麗名同顧紀筠個囝囝陳浚霆(Andrew)拍綜藝節目《街市遊樂團》期間,又喺節目中狂鬧做下把位嘅Andrew,再被揭去年演出《嬉春酒店》慈善場後,至今仍未付介紹她演出此劇的中介人費。(新聞連結: http://bit.ly/2hySzy6 )咦,又入返劇組喇!咁江美儀雖然係烈女,是非隨身,但話晒係好戲之人,無綫又等人用,加上之前江美儀已經解畫同耍冧,佢部《親親我好媽》反應亦好好,所以調番出嚟亦好正常。不過,風雨過後嘅江美儀,烈性不改,大家姐作風依然,據聞佢拍《誇世代》期間又故態復萌,教後輩如麥明詩同佢巨胸緋聞男友余德丞做戲之外,仲監製上身,指點江山,教人企位。有時場戲明明冇佢份,但江美儀為咗套劇好,故從旁出言指點,提點下阿邊個同邊個,十足十大家姐/指揮咁,一眾後輩演員同工作人員見到美儀姐都驚驚豬……依家套劇已拍得七七八八,日夜顛倒嘅張繼聰拍到冇時間陪人妻Kay同湊女,歐陽震華更曾於暴曬下中暑,且因為真係太辛苦,致抵抗力下,搞到眼發炎,監製陳維冠唔俾佢停廠兩日休息,但遲遲未好番,而廠期又已經delay咗好多。為趕及交廠,Bobby未好番都死頂開工,又抱扮大肚婆嘅邵美琪跑斜路命都冇。因為唔想眼疾「嚇親觀眾」,所以都係盡量拍wide shot,唔加大頭。Bobby嘅敬業樂業,令人尊敬。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...